ەل كەلەشەگى جاستاردىڭ قولىندا دەسەك, بولاشاعىمىزدىڭ جارقىن بولۋى – وسكەلەڭ ۇرپاقتىڭ دەنساۋلىعىنا بايلانىستى. مەملەكەت جاس ۇرپاقتى سالاماتتى ءومىر سۇرۋگە تاربيەلەۋگە, سالاماتتى داعدىلاردى ومىرىنە سەرىك ەتەتىن جاستار قاتارىن كوبەيتۋگە ەرەكشە ءمان بەرىپ كەلەدى. وسى باعىتتا قازاقستان رەسپۋبليكاسىنىڭ پرەزيدەنتى مەن بىرنەشە مينيسترلىك باسشىلارى جاستاردىڭ دەنساۋلىعى مەن ءال-اۋقاتىن جاقسارتىپ, جاستارعا قامقورلىق جاسايتىن قىزمەتتەردى قولداۋدى قولعا العان بولاتىن. بۇل 2019 جىلى نايروبيدە وتكەن ماڭىزدى سامميت كەزىندە راستالىپ, قازاقستاننىڭ ءار ايماعىندا جاستار دەنساۋلىعى ورتالىقتارى اشىلدى.
استانا قالاسىندا 14 جاستار دەنساۋلىعى ورتالىعى بار. اتاپ ايتقاندا, №1 قالالىق ەمحانا بازاسىندا «نۇر», №2 قالالىق ەمحانا بازاسىندا «التىن اراي», №3 قالالىق ەمحانا بازاسىندا «جاس تولقىن», №4 قالالىق ەمحانا بازاسىندا «راۋان», №5 قالالىق ەمحانا بازاسىندا «شۋاق», №6 قالالىق ەمحانا بازاسىندا «جاس تالاپ», №7 قالالىق ەمحانا بازاسىندا «شاڭىراق», №8 قالالىق ەمحانا بازاسىندا «سەنىم», №9 قالالىق ەمحانا بازاسىندا «جاستار», «№10 قالالىق ەمحانا بازاسىندا ء«وزىڭدى تاپ», №11 قالالىق ەمحانا بازاسىندا «داۋا», №12 قالالىق ەمحانا بازاسىندا «جىگەر», №13 قالالىق ەمحانانىڭ پروفيلاكتيكا جانە الەۋمەتتىك-پسيحولوگيالىق قىزمەت بولىمشەسىنىڭ قۇرامىندا «جاستار دەنساۋلىعى ورتالىعى», «سالاۋاتتى استانا» ەمحاناسىندا «سالاۋاتتى جاستار» ورتالىقتارى جۇمىس ىستەيدى.
قازىرگى تاڭدا وسى باعىتتا بەلگىلى جۇمىس تاجىريبەسى جيناقتالىپ, ورتالىق ماماندارى ارنايى باعدارلامالار بويىنشا وقىتىلعان.
جاستار دەنساۋلىعى ورتالىعى – ءجاسوسپىرىم كەزەڭنىڭ ەرەكشەلىكتەرىنە بايلانىستى دەنساۋلىقتى ساقتاۋ پروبلەمالارىنا, قولجەتىمدى, قايىرىمدىلىق, سەنىم قاعيداتتارى بويىنشا كەشەندى مەديتسينالىق, الەۋمەتتىك, پسيحولوگيالىق كومەك كورسەتەتىن ورتالىق. باستى ماقسات – جاسوسپىرىمدەر مەن جاستار اراسىندا سالاماتتى ءومىر سالتىن ناسيحاتتاۋ, رەپرودۋكتيۆتى دەنساۋلىقتى قورعاۋ, ونىڭ ىشىندە ەرتە جىنىستىق بەلسەندىلىكتىڭ الدىن الۋ, كونتراتسەپتيۆتەردى قولدانۋ, قالاۋسىز جۇكتىلىكتىڭ الدىن الۋ, وتباسىن جوسپارلاۋ جانە جىنىستىق جولمەن بەرىلەتىن ينفەكتسيالار تۋرالى اقپاراتتاندىرۋ. وسى ورايدا ورتالىق دارىگەرلەرى ءار توقسان سايىن قالاداعى مەكتەپتەردىڭ وقۋشىلارىمەن كەزدەسۋ وتكىزەدى.
جاستار دەنساۋلىعى ورتالىقتارىنىڭ قىزمەتى 14-29 جاس ارالىعىنداعى جاستارعا مەديتسينالىق جانە پسيحولوگيالىق كومەك كورسەتۋدى قامتيدى. ورتالىقتا پسيحولوگ, ۋرولوگ, دەرماتولوگ, گينەكولوگ, ت.ب. ماماندار وتباسىن جوسپارلاۋ, جەكە گيگيەنا, جىنىستىق دامۋ, قاجەتسىز جۇكتىلىكتىڭ الدىن الۋ جانە رەپرودۋكتيۆتى دەنساۋلىق (ججبي, جۇكتىلىك, ابورتتار, بالا تۋعا قارسى دارىلەر جانە ت.ب.) بويىنشا اقپارات پەن ەرىكتى تۇردە كەڭەس بەرەدى; جىنىستىق جولمەن بەرىلەتىن ينفەكتسيالار, ايتۆ بويىنشا كەڭەس بەرەدى جانە ەرىكتى تۇردە تەستتەن وتكىزەدى; ستۋدەنت جاستار اراسىندا سالاماتتى ءومىر سالتى قاعيدالارىن ناسيحاتتاۋ جانە الدىن الۋ شارالارىن جۇرگىزەدى; تەمەكى شەگۋدىڭ, جۇقپالى, الەۋمەتتىك ماڭىزى بار اۋرۋلاردىڭ (جيتس, تۋبەركۋلەز, ماسكۇنەمدىك, ناشاقورلىق, ججبي, سۋيتسيد) الدىن الۋ جانە ەمدەۋ شارالارىن جاسايدى; رەپرودۋكتيۆتى دەنساۋلىق جانە قاجەتسىز جۇكتىلىكتىڭ الدىن الۋ جۇمىستارىن قامتيدى. ورتالىقتا جالپى تاجىريبە دارىگەرى, گينەكولوگ, ناركولوگ دارىگەرلەرمەن قوسا, پسيحولوگ جانە سوتسيولوگ ماماندار قىزمەت اتقارادى.
بۇگىنگى تاڭدا ەل پرەزيدەنتى قاسىم-جومارت توقاەۆ اتاپ وتكەندەي, جاستار دەنساۋلىعى ورتالىقتارىنىڭ ناتيجەلى جۇمىس ىستەۋى ءۇشىن ونىڭ قارجىلىق تۇراقتىلىعىن قامتاماسىز ەتۋ ماقساتىندا 2022 جىلى الەۋمەتتىك مەديتسينالىق ساقتاندىرۋ قورىنىڭ استانا قالاسى بويىنشا فيليالىنان 181, 9 ملن تەڭگە بولىنگەن. ياعني ەلوردامىزداعى جاستار دەنساۋلىعى ورتالىقتارى جۇيەلى جۇمىستارىن جالعاستىرا بەرمەك.
ساندۋعاش بولىسبەكوۆا,
الەۋمەتتىك مەديتسينالىق ساقتاندىرۋ قورى استانا قالاسى فيليالى ديرەكتورىنىڭ ورىنباسارى
