مەديتسينا • 28 قاراشا، 2022

جيتس: اۋرۋدىڭ الدىن الۋعا ارنالعان ونكۇندىك

57 رەت كورسەتىلدى

جىل سايىن 1 جەلتوقساندا دۇنيەجۇزىلىك دەنساۋلىق ساقتاۋ ۇيىمى، بىرىك­كەن ۇلتتار ۇيىمى، قوعامدىق بىرلەستىكتەر مەن ۇكىمەتتەر ايتۆ/جيتس-كە قارسى كۇرەس كۇنىن وتكىزەدى. ياعني قاۋىپتى ينفەكتسيانىڭ الدىن الۋ جانە ەڭسەرۋ ماقساتىندا بۇل كۇنى الەم بار كۇش-جىگەرىن سالادى. وسىعان بايلانىستى بيىل استانادا جيتس-پەن كۇرەس كۇنىنە ارنالعان ونكۇندىك ءوتىپ جاتىر.

بيىل 21 قاراشا مەن 1 جەلتوقسان ارالىعىندا دۇنيەجۇزىلىك جيتس-پەن كۇرەسكە باعىتتالعان ونكۇندىكتە اۋقىمدى ءىس-شارالار وتكىزىلەدى. بەلگىلەنگەن كۇن ارالىعىندا قالا تۇرعىندارىن، اسىرەسە جاستار اراسىندا ايتۆ ينفەكتسياسىنىڭ الدىن الۋ ماسەلەلەرى جان-جاقتى قارالادى. باستى ماقسات – قاۋىپسىزدىكتى قالىپتاستىرۋ بويىنشا كەمسىتۋشىلىكتى جويۋ جانە بارلىق مۇددەلى تاراپتاردىڭ ۆەدومستۆوارالىق ءوزارا ءىس-قيمىلىن نىعايتۋ. اتاپ ايتقاندا، 28 قاراشادا Facebook جەلىسىنىڭ تىكەلەي ەفيرىندە ەلوردالىق ايتۆ ينفەكتسياسىنىڭ الدىن الۋ ورتالىعىنىڭ ماماندارى تاقىرىپتىق بايانداما جاساسا، ءبىر كۇننەن كەيىن قازاق ۇلتتىق ونەر ۋنيۆەرسيتەتىندە ستۋدەنتتەر اراسىندا اۋقىمدى اكتسيا وتەدى. قالا تۇرعىندارىنا، اسىرەسە حالىق كوپ جينالاتىن ورىندار – تەمىر جول ۆوكزالدارىندا، ساۋدا-ويىن-ساۋىق ۇيلەرىندە ايتۆ ينفەكتسياسىنىڭ الدىن الۋ تۋرالى مامانداردىڭ تەگىن كەڭەسى بەرىلەدى. حالىققا ءبىلىم بەرۋ ماتە­ريالدارىن تاراتۋ مەن پسيحوالەۋمەتتىك قولداۋ كورسەتىلىپ، «ايتۆ-عا تەست تاپسىرىڭىز» اكتسياسى شەڭبەرىندە ەكسپرەسس-تەستىلەۋ وتكىزىلەتىن بولادى.

سونداي-اق ايتۆ ينفەكتسياسىنىڭ الدىن الۋ ورتالىعىندا تىركەلگەن، ايتۆ-مەن ءومىر سۇرەتىن از قامتىلعان وتباسىلارعا ازىق-ت ۇلىك جيىنتىعى بەرىلەدى. بارلىق ءىس-شارالار ۇكىمەتتىك ەمەس ۇيىمدار، قازاق ۇلتتىق ونەر ۋنيۆەرسيتەتى، قالالىق قوعامدىق دەنساۋلىق ساقتاۋ جانە ءبىلىم باسقارمالارىمەن بىرلەسىپ وتكىزىلەدى. ونكۇندىكتىڭ قورىتىندىسى 1 جەلتوقساندا شىعارىلادى.

سوڭعى جاڭالىقتار

ۇقساس جاڭالىقتار