ساياسات • 28 قاراشا، 2022

«جاس ساياساتكەر مەكتەبى» باعدارلاماسى باستالدى

80 رەت كورسەتىلدى

بۇگىن «AMANAT» پارتياسىنىڭ ساياسي مەنەدجمەنت اكادەمياسىندا جاس ساياساتكەر مەكتەبى اشىلدى، دەپ جازادى Egemen.kz.

باعدارلاما قاتىسۋشىلارىنىڭ الدىندا ءسوز سويلەگەن پارتيا حاتشىسى داۋلەت كارىبەك جوبا جاستاردىڭ جاڭا بۋىنىن قالىپتاستىرۋعا باعىتتالعانىن اتاپ ءوتتى.

ء«اربىر جاس ازامات مەملەكەت ىسىنە، ەل ىسىنە ارالاسۋى كەرەك. مەملەكەت باسشىسى ايتىپ وتكەندەي، جاس قازاقستاندىقتار ۇنەمى جەتىلىپ، جان-جاقتى دامىپ وتىرۋى ءتيىس. ساياسي جاڭعىرتۋ ءىسىن جالعاستىرۋ جانە كاسىبي مەملەكەتتىك باسقارۋدى ەنگىزۋ ءۇشىن ءتيىستى كادرلاردى دايارلاۋ قاجەت. جالپى، ەلىمىزدىڭ قوعامدىق-ساياسي ومىرىندەگى جاستاردىڭ ءرولىن كۇشەيتۋ «AMANAT» پارتياسىنىڭ نەگىزگى باسىمدىقتارىنىڭ ءبىرى بولىپ سانالادى»، دەدى ول.

قازاقستاننىڭ بارلىق وڭىرىنەن كونكۋرستىق نەگىزدە 50 قاتىسۋشى ىرىكتەلدى. ولار 5 كۇندىك بەلسەندى وقىتۋ كۋرسىنان وتەدى. بۇل – كوپشىلىك الدىندا ءسوز سويلەۋ، ساياسي كوممۋنيكاتسيا، جوبالاردى باسقارۋ، كوشباسشىلىق بويىنشا ترەنينگتەر، سونداي-اق قازاقستاننىڭ قازىرگى ساياسي قۇرىلىمى تۋرالى دارىستەر.

«وقىتۋ بلوگىنان بولەك، باعدارلامادا بەلگىلى ساياسي جانە قوعام قايراتكەرلەرىمەن، عالىمدارمەن، پارلامەنت دەپۋتاتتارىمەن كەزدەسۋلەر قاراستىرىلعان. قاتىسۋشىلار ەل دامۋىنا ەرەكشە ۇلەس قوسۋعا ۇمتىلادى. ىرىكتەلگەن 50 ادام مانسابىن جوعارىلاتۋعا جانە ادىلەتتى قازاقستاندى قۇرۋعا جول اشاتىن ءوز داعدىسىن، ءبىلىمى مەن قۇزىرەتىن دامىتا الاتىنىنا سەنىمدىمىن»، دەدى «AMANAT» پارتياسىنىڭ ساياسي مەنەدجمەنت اكادەمياسىنىڭ ديرەكتورى دانيار مۇقيتانوۆ.

سوڭعى جاڭالىقتار

جاڭارۋ جوسپارى

ايماقتار • كەشە

ءباسى اسپانداعان التىن

ەكونوميكا • كەشە

100 جانە 99

پىكىر • كەشە

پايدالى نۇسقاۋلىق

قوعام • كەشە

قىمبات قۇجات

قازاقستان • كەشە

تەگىن ءبىلىم الادى

ءبىلىم • كەشە

5G: جەلىگە قوسىلۋ جەدەلدىگى

تەحنولوگيا • كەشە

كەستەلى شاپان

جادىگەر • كەشە

قىراۋدان جازىلعان حات

ادەبيەت • كەشە

ناۋەن حازىرەتتىڭ ءمورى

جادىگەر • كەشە

قورجىندا قوس جۇلدە

سپورت • كەشە

ۇقساس جاڭالىقتار