ەلىمىزدىڭ جاس جۇلدىزى فينالدا پولشانىڭ وسى جاستاعى ءبىرىنشى راكەتكاسى يان پارادوۆسكيمەن كەزدەستى.
الماتى تەننيس مەكتەبىنىڭ تۇلەگى قارسىلاسىن 6:4, 6:4 ەسەبىمەن تىزە بۇكتىردى. جارىس بارىسىندا روبەرت بىردە-ءبىر سەتتە ۇتىلعان جوق.
جۇپتىق سىندا روبەرت ليتۆالىق مارك تۆەرسيمەن بىرگە فينالدا تارتىستى باسەكەدە بەلارۋس وكىلدەرى كوران – سۆيتلوۆقا ەسە جىبەردى. ەسەپ – 6:1, 4:6, 5:10.
روبەرت كامينسكي ءۇشىن بيىلعى جىل تابىستى بولدى. ول وسىمەن Tennis Europe سەرياسى بويىنشا جەكەلەي سىندا ءۇشىنشى تيتۋلىنا قول جەتكىزدى. بيىلعى ماۋسىمدا امال سۇلتانبەكوۆتىڭ شاكىرتى 30 ماتچ وتكىزىپ, سونىڭ 26-سىندا جەڭىسكە جەتتى.
