ۆەدومستۆو تىزىمىندەگى 37 جىلۋ ەلەكتر ورتالىعىنىڭ 10-ى مەملەكەت مەنشىگىنە تيەسىلى.
ال بەسەۋىنە كۆازيمەملەكەتتىك سەكتور يەلىك ەتىپ وتىر. قالعان 22 جىلۋ ەلەكتر ورتالىعى - جەكەمەنشىك.
مەملەكەتتىك جەو-لار استانا, شاحتينسك, ارقالىق, تاراز, سەمەي, قوستاناي, ورال, كەنتاۋ, قىزىلوردا قالالارىندا, كۆازيمەملەكەتتىك سەكتور يەلىگىندەگى جەو-نىڭ ۇشەۋى الماتىدا, ال ەكەۋى اقتاۋدا ورنالاسقان.
قالعان وڭىرلەردەگى ورتالىقتار - جەكەمەنشىكتىڭ قولىندا.
ايتا كەتەرلىگى, ەلىمىزدەگى جىل ەلەكتر ورتالىقتارىنىڭ ورتاشا جۇمىس ىستەگەن جىلى - 61.
جەو-لاردىڭ 76 پايىزعا جۋىعى 50 جىلدان استام ۋاقىت بويى حالىققا قىزمپەت كورسەتىپ كەلەدى.
جەو-نىڭ نەگىزگى جابدىقتارىنىڭ ورتاشا توزۋى – 66 پايىز.
37 جىلۋ ەلەكتر ورتالىعىنىڭ جالپى ەلەكتر قۋاتى - 6 517 مۆت, ال جىلۋ قۋاتى - 20 135 گكال/ساعات.
اتالعان ورتالىقتاردا 190 بۋ قازاندىعى, 41 سۋ جىلىتۋ قازاندىعى, 132 بۋ تۋربيناسى جانە 5 گاز تۋربيناسى جۇمىس ىستەيدى.
