الەم • 28 قاراشا، 2022

مينيسترلەر مەن دەپۋتاتتاردىڭ تەلەفوندارى تىڭدالعان

82 رەت كورسەتىلدى

گرەكيانىڭ ۇلتتىق بارلاۋ قىزمەتى (EYP) مينيسترلەردىڭ، دەپارتامەنتتەردىڭ باس حاتشىلارى مەن باسقا دا مەملەكەتتىك قىزمەتكەرلەردىڭ تەلەفوندارىن تىڭدادى، دەپ حابارلايدى Egemen.kz.

تىڭدالعان ادامداردىڭ اتى-ءجونىن جەرگىلىكتى وپپوزيتسيالىق باق جاريالاعان.

زاڭسىز Predator باعدارلامالىق جاساقتاماسىنىڭ كومەگىمەن ۇكىمەت وكىلى يواننيس يكونومۋ، ءبىلىم ءمينيسترى نيكي كەرامەوس، پاسوك دەپۋتاتى اندرەاس لوۆەردوس، ەكونوميكالىق پروكۋراتۋرانىڭ باسشىسى كريستوس بارداكيس، پروكۋرور ۆاسيليكي ۆلاحۋ، EYP كۋراتورى بولىپ تاعايىندالعان، گرەكيانىڭ بۇرىنعى پوليتسيا باسشىسى جانە ازاماتتاردى قورعاۋ مينيسترلىگىنىڭ قازىرگى باس حاتشىسى ميحاليس كارامالاكيس، پارلامەنت باس حاتشىسى يورگوس ميلوناكيس جانە ونىڭ ايەلى، ەلدەگى باسقا دا بەلگىلى ساياساتكەرلەر، جۋرناليستەر، ۋنيۆەرسيتەت وقىتۋشىلارى، باق وكىلدەرىنىڭ تەلەفوندارى تىڭدالعان. 

بۇعان دەيىن 5 قاراشادا ءدال وسنىداي 33 ادامنىڭ ءتىزىمى جاريالانعان ەدى. تىزىمدە بۇرىنعى پرەمەر-مينيستر انتونيس ساماراس، سىرتقى ىستەر ءمينيسترى نيكوس دەندياس، دامۋ جانە ينۆەستيتسيالار ءمينيسترى ادونيس دجوردجاديس، تۋريزم ءمينيسترى ۆاسيليس كيكيلياس، قورعانىس ءمينيسترىنىڭ ورىنباسارى نيكوس حاردالياس، قارجى ءمينيسترى كريستوس ستايكۋراس جانە باسقا دا كوپتەگەن ساياساتكەرلەردىڭ ەسىمدەرى بولدى. 

ال 13 قاراشادا زاڭسىز تىڭدالعان 38 ادامنىڭ ەكىنشى ءتىزىمى جاريالاندى، ونىڭ ىشىندە پرەمەر-مينيستر كيرياكوس ميتسوتاكيس پەن ونىڭ ايەلىنىڭ سەرىكتەستەرى، دوستارى، سونداي-اق مينيسترلەر، اسكەري قىزمەتكەرلەر مەن جۋرناليستەر دە بار.

سوڭعى جاڭالىقتار

استانادا «ۆaitursynuly.kz» سايتىنىڭ تۇساۋكەسەرى ءوتتى

احمەت بايتۇرسىن ۇلى • 03 اقپان، 2023

ۇقساس جاڭالىقتار