قوعام • 27 قاراشا، 2022

وڭالتۋ قىزمەتى سىن كوتەرمەيدى

62 رەت كورسەتىلدى

تەحنيكالىق قۇرالدار مەن وڭالتۋ قىزمەتتەرىن ناشار جەتكىزۋشىلەردى الەۋمەتتىك قىزمەتتەر پورتالىنان شىعارۋ قاجەت. مۇنداي مىندەتتى جەرگىلىكتى اتقارۋشى ورگانداردىڭ الدىنا ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا بيىلعى 10 ايداعى الەۋمەتتىك-ەڭبەك سالاسىنداعى جۇمىس قورىتىندىلارى جونىندەگى كەڭەس بارىسىندا قويدى. اكىمدىكتەر ونى 2023 جىلعا دەيىن شەشۋى كەرەك.

مينيستر مۇگەدەكتىگى بار ادام­داردىڭ ءومىر ءسۇرۋ ساپاسىن ارتتىرۋ ماسەلەلەرىنە ەرەكشە نازار اۋداردى. جىل باسىنان بەرى ۆەدومستۆو ەڭبەك جانە الەۋ­مەتتىك قورعاۋ كوميتەتىنىڭ اۋماق­تىق دەپارتامەنتتەرى مۇگەدەكتىگى بار ادامداردى الەۋمەتتىك قور­عاۋ سالاسىندا جانە ارناۋلى الەۋ­مەتتىك قىزمەتتەر كورسەتۋ سالاسىندا 967 تەكسەرۋ جۇرگىزدى، ونىڭ قورىتىندىسى بويىنشا 4 143 بۇزۋشىلىق انىقتالدى.

«بۇل بۇزۋشىلىقتاردىڭ كوپ­شىلىگى بەيىمدەلگەن وبەك­تى­لەردى باقىلاۋدان كەيىنگى تەكسەرۋ ناتيجەسىندە انىقتالدى. جەر­گى­لىكتى اتقارۋشى ورگاندار ءبىر نار­سەنى مالىمدەيدى، ال ءىس جۇزىندە باس­قا بولىپ شىعادى. سىزدەر بۇل ما­سەلەگە ناقتى كوزقاراسپەن قاراۋ­لارىڭىز كەرەك. مىسالى، ەگەر مەكتەپتە ەرەكشە قاجەتتىلىكتەرى بار وقۋشى بولماسا، قازىر بەيىمدەۋدىڭ قاجەتى جوق. سىزدەر مۇگەدەكتىگى بار ادامدار ۇنەمى باراتىن وبەكتىلەردىڭ، ياعني ەمحانالاردىڭ، ءدارىحانالاردىڭ، حقو-لاردىڭ جانە باسقا دا مەكەمەلەردىڭ تولىق بەيىمدەلۋىن قامتاماسىز ەتۋلەرىڭىز كەرەك. سوندىقتان جوسپارلارىڭىزدى قايتا قاراپ، قاجەت بولعان جاع­دايدا وبەكتىلەردى بەيىمدەۋدى قامتاماسىز ەتۋلەرىڭىز كەرەك»، دەدى ت.دۇيسەنوۆا.

ۆەدومستۆو باسشىسى 2023 جىلدان باستاپ ەكى قاناتقاقتى جوبانى ىسكە اسىرۋدى ۇسىندى. ءبى­رىنشىسى، ءاربىر وڭىردە مۇگە­دەك­تىگى بار ادامداردىڭ تۇرۋىنا تىكە­لەي جاقىن جەردە ارناۋلى الەۋ­مەتتىك قىزمەتتەر كورسەتۋ ءۇشىن سىيىمدىلىعى از ءبىر ءۇي اشۋ. ەكىنشىدەن، ءاربىر وڭىر­دە مۇگەدەكتىگى بار بالالارعا ارنال­عان قىمبات تۇراتىن وڭالتۋدىڭ تەح­نيكالىق قۇرالدارىن (وتق) بەرۋ جونىندەگى ورتالىق «وتق پاركى» قۇرىلسىن. وتق ساتىپ الۋ «قا­زاق­ستان حالقىنا» قورىنىڭ قولداۋىمەن بولادى دەپ جوبالانۋدا.

مينيستر سونداي-اق الەۋ­مەتتىك قىزمەتتەر پورتا­لى­نىڭ جۇمىسىن جەتىلدىرۋ مىن­دەتىن قويدى.

«مەن جۇمىس ساپارىمەن قازاق­­ستاننىڭ ءتۇرلى وڭىرلەرىن­دە بولدىم. بارلىق جەردە مۇگە­دەك­تىگى بار ادامدار الەۋمەتتىك قىز­مەتتەر پورتالى ارقىلى كورسە­تىلەتىن وڭالتۋ قىزمەتتەرى جانە وتق-نىڭ ساپاسىنا قاتىستى ماسەلەنى كوتەرەدى. جەرگىلىكتى اتقارۋشى ورگاندار جىل سوڭىنا دەيىن ازاماتتاردىڭ بارلىق شاعىمدارىن تالداپ، بيىل ساپاسىز تاۋارلار مەن قىزمەتتەردى ۇسىنعانداردى كەلەسى جىلى پورتالدان شىعارۋ ءۇشىن بىزگە ءتيىستى حاتتار جىبەرۋى كەرەك. اشىعىن ايتقاندا، ناشار جەتكىزۋشىلەر پورتالدا بولماۋعا ءتيىس»، دەپ اتاپ ءوتتى ت.دۇيسەنوۆا.

سوڭعى جاڭالىقتار

جسدپ ۇمىتكەرلەرىن انىقتادى

ساياسات • بۇگىن، 00:08

ۇلت ءۇمىتىن اقتاعان

رۋحانيات • كەشە

يكەمدى باعام رەجىمى

قارجى • كەشە

ابە

ادەبيەت • كەشە

Enbek.kz ءبارىن جەڭبەك

قوعام • كەشە

«حات قورجىن»

ەگەمەن قازاقستان • كەشە

ابىگەرگە تۇسىرگەن تولاسسىز جاۋىن

توتەنشە جاعداي • كەشە

باۋكەڭنىڭ كوپ قىرى

ادەبيەت • كەشە

ۇقساس جاڭالىقتار