تۇندىرۋ كەشەنى كاسىپورىندا 2010 جىلى «قازحروم» كومپانياسىنىڭ ۇزدىك الەمدىك ەكولوگيالىق ستاندارتتار مەن قالدىقسىز وندىرىستەرگە ۇمتىلۋى اياسىندا سالىنعان بولاتىن. بۇل – قوج وڭدەۋ تسەحىنداعى جەتى كەشەننىڭ ءبىرى. مۇندا قۇندى ءونىم گراۆيتاتسيالىق ادىسپەن الىنادى. پروتسەسس كەزىندە سۋ پايدالانىلادى. سوندىقتان كەشەن جىلدىڭ تەك جىلى مەزگىلىندە جۇمىس ىستەدى.
– قالدىقتاردى دۇرىس پايدالانۋ – زاماناۋي ءتيىمدى ءوندىرىس نەگىزدەرىنىڭ ءبىرى. جىلىتىلعان كەشەندە 1,6 ملن تونناعا دەيىن ماتەريال وڭدەۋگە بولادى. وسىلايشا, ءبىز قوردالانىپ قالعان قوجداردى وڭدەۋ كولەمىن ارتتىرۋ ماسەلەسىن شەشە الامىز. كەشەن زاۋىتتىڭ تۇيىقتالعان اينالىم سۋىن عانا پايدالانعاندىقتان, پروتسەستىڭ ەنەرگيا تيىمدىلىگى ارتادى, – دەيدى اقسۋ فەرروقورىتپا زاۋىتىنىڭ ديرەكتورى ۆالەنتين چيچيحين.
كەشەن جىل بويعى جۇمىس تارتىبىنە اۋىسۋىنا وراي كاسىپورىننىڭ اۆتوكولىك تسەحىنا قوسىمشا 60 جۇرگىزۋشى قىزمەتكە قابىلداندى. جاڭا 7 ۇلكەن اۋىرجۇكتاسىعىش اۆتوساموسۆال جانە 4 جۇك تيەگىش ساتىپ الىنعان. ادامدار دا, تەحنيكالار دا تاۋلىك بويى جۇمىس ىستەيدى.
كەشەن ءوندىرىسىن ارتتىرۋ جوباسى مۇنىمەن اياقتالعان جوق. كەلەسى جىلى اقسۋ فەرروقورىتپا زاۋىتىنىڭ تەحنولوگتەرى ەڭ ۇساق كلاستى ماتەريالداردى وڭدەۋگە ارنالعان جىلىتىلعان جەلىنىڭ ءۇشىنشىسىن سالۋدى جوسپارلاپ وتىر.
