قازاقستان • 24 قاراشا، 2022

مال دارىگەرلەرىنىڭ جالاقىسى 50 پايىزعا وسەدى

54 رەت كورسەتىلدى

2023 جىلى ۆەتەرينارلاردىڭ جالاقىسى 50 پايىزعا وسەدى. بۇل تۋرالى سەنات وتىرىسىندا پرەمەر-ءمينيستردىڭ ءبىرىنشى ورىنباسارى رومان سكليار مالىمدەدى، دەپ حابارلايدى Egemen.kz.

«2023 جىلدىڭ 1 ناۋرىزىنا دەيىن ءبىز ۇكىمەتكە اۋىلدىق اۋماقتاردى دامىتۋ تۇجىرىمداماسىن ەنگىزەمىز. ول 10 باعىتتان تۇرادى. ءار باعىت ءۇشىن بەلگىلى ءبىر كريتەريلەر بار. ۇلتتىق ەكونوميكا مينيسترلىگى ورتالىق جانە جەرگىلىكتى اتقارۋشى ورگانداردىڭ ءىس-ارەكەتتەرىن ۇيلەستىرەدى»، دەدى رومان سكليار.

بۇل رەتتە، رومان سكليار اۋىل شارۋاشىلىعىن دامىتۋ ماسەلەلەرىنە توقتالىپ ءوتتى.

«ەگەر اۋىل شارۋاشىلىعى دامىماسا، اۋىل تۇرعىندارىنىڭ ءومىرى تۇزەتىلمەيدى. ءبىز مۇنى جاقسى بىلەمىز. بۇل باعىتتا قانداي جۇمىس جاسالدى؟ پرەزيدەنتتىڭ تاپسىرماسى اياسىندا ۆەتەريناريا سالاسى رەفورمالانۋدا. رەفورمالاردىڭ ماقساتى - ورتالىق پەن وڭىرلەر اراسىندا مىندەتتەردى ءبولۋ، مال دارىگەرلەرىنىڭ مارتەبەسىن كوتەرۋ، ولاردىڭ جالاقىسى مەن الەۋمەتتىك قولداۋىن ارتتىرۋ. جىل سوڭىندا پارلامەنتكە ءتيىستى زاڭ جوبالارىن ەنگىزەمىز»، دەدى پرەمەر-ءمينيستردىڭ ءبىرىنشى ورىنباسارى.

ونىڭ ايتۋىنشا، بيىل ۆەتەرينارلاردىڭ جالاقىسى 50%-عا وسكەن. 2023 جىلى ولاردىڭ جالاقىسى تاعى 35-50%-عا وسەدى.

«ۆەتەرينارلارعا ەكى ايلىق ساۋىقتىرۋ جاردەماقىسى تولەنەدى. سونداي-اق ۆەتەريناريانى تسيفرلىق فورماتقا اۋىستىرۋ بويىنشا جۇيەلى جۇمىس جاسايمىز»، دەپ تولىقتىردى رومان سكليار.

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار