الەم • 24 قاراشا، 2022

Google 10 مىڭ قىزمەتكەرىن جۇمىستان شىعارۋى مۇمكىن

24 رەت كورسەتىلدى

امەريكالىق Google كومپانياسى (Alphabet Inc) ەڭ ناشار KPI بار 10 000 قىزمەتكەرىن جۇمىستان شىعارۋدى قاراستىرىپ جاتىر، دەپ حابارلايدى Egemen.kz.

بۇل بارلىق قىزمەتكەرلەردىڭ 6%-ىن قۇرايدى. بۇعان دەيىن قىزمەتكەرلەرىن قىسقارتۋ تۋرالى باسقا دا IT گيگانتتارى مالىمدەگەن ەدى. ولارىڭ ىشىندە Meta، HP Inc جانە Cisco Systems Inc كومپانيالارى بار.

Google وكىلدەرى وسى ماسەلە جونىندە جۋرناليستەرگە تۇسىنىكتەمە بەرۋدەن جالتارعان. Google كوروناۆيرۋس پاندەمياسى كەزىندە ءوز قىزمەتتەرىنە سۇرانىس كۇرت ارتقاندىقتان ماماندار سانىن كوبەيتكەن. الايدا مۇنداي وزگەرىس وپەراتسيالىق شىعىنداردىڭ وسۋىنە اكەلگەن.

«قىزمەتكەرلەردى قىسقارتۋ ەندى باستالدى. بۇل ءىرى كومپانيالارعا دا، شاعىن كومپانيالارعا دا اسەر ەتەدى. وڭاي بولايىن دەپ تۇرعان جوق، بىراق ءبارى بىتكەن سوڭ سالا قالپىنا كەلەدى»، دەيدى تانىمال IT-كاسىپكەر جانە C3.ai Inc باسشىسى توماس سيبەل. 

ايتا كەتەيىك، سارسەنبىدە Alphabet اكتسيالارى 1،45%-عا قىمباتتادى. جىل باستالاردا كومپانيانى كاپيتالداندىرۋ 1،26 تريلليون دوللارعا دەيىن قىسقاردى.

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار