ايماقتار • 24 قاراشا، 2022

الماتىدا اسفالت وپىرىلىپ، اۆتوبۋس شۇڭقىرعا ءتۇسىپ كەتتى

25 رەت كورسەتىلدى

الەۋمەتتىك جەلىدە الماتىنىڭ الاتاۋ اۋدانىندا اسفالت وپىرىلىپ، قوعامدىق كولىك شۇڭقىرعا ءتۇسىپ كەتكەنى تۋرالى حابار تارادى، دەپ حابارلايدى Egemen.kz.

«الاتاۋ اۋدانى، مادەنيەت (راحات) ىقشام اۋدانىندا ءبارى وپىرىلىپ جاتىر. بىزدە ەشقاشان جول جوندەلگەن ەمەس، تەك جاماۋدىڭ ۇستىنە جاماۋ. ءتىپتى جاياۋ جۇرەتىن جول دا جوق، ءبارى جارامسىز. كولىكتەر مەن اۆتوبۋستار وتە المايدى»، دەلىنگەن جازبادا.

الماتى قالالىق ەنەرگەتيكا باسقارماسى اتالعان وقيعاعا قاتىستى جاۋاپ بەردى. ولاردىڭ مالىمەتىنشە، قازىر ماماندار اتالعان مەكەنجايعا جىبەرىلگەن. وپىرىلىپ تۇسكەن جەر ارنايى لەنتامەن قورشالعان. جاقىن ارادا قالپىنا كەلتىرۋ جۇمىستارى جۇرگىزىلەدى.

− «سۆيازسترويمەحانيزاتسيا» جشس مەردىگەر ۇيىمىنىڭ كەپىلدى مىندەتتەمە نەگىزىندە راحات شاعىن اۋدانىندا ماگيسترالدىق سۋ قۇبىرى جانە كارىز جەلىلەرىنىڭ قۇرىلىسى بويىنشا قۇرىلىس-مونتاج جۇمىستارى 2019 جىلى اياقتالدى. قازىر مەردىگەر كومپانيا قاتتى جاۋىن-شاشىننان كەيىن پايدا بولعان شۇڭقىرلاردى تولتىرىپ جاتىر. جاقىن ارادا قايتا قالپىنا كەلتىرۋ جۇمىستارى جۇرگىزىلەدى، −  دەپ حابارلادى الماتى اكىمدىگىنىڭ ەنەرگەتيكا باسقارماسى.

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار