بيىل 11 مىڭ شاقىرىمنان استام اۆتوجولعا قۇرىلىس-مونتاجداۋ جۇمىستارى جۇرگىزىلەدى.
«رەسپۋبليكالىق جەلى بويىنشا 4 مىڭ شاقىرىمدا قۇرىلىس جانە رەكونسترۋكتسيا جۇمىستارى جۇرگىزىلىپ جاتىر, سونىڭ 1,2 مىڭ شاقىرىمىن اياقتايمىز. كۇردەلى جانە ورتاشا جوندەۋمەن شامامەن 3 مىڭ شاقىرىم جول قامتىلدى, سونىڭ 900 شاقىرىمىنا جۋىعىندا جۇمىستار مارەسىنە جەتتى. جەرگىلىكتى اۆتوجولدار جەلىسىنە توقتالار بولسام, جوندەۋدىڭ بارلىق تۇرىمەن 4,6 مىڭ شاقىرىم جول قامتىلعان, سونىڭ 2,6 مىڭ شاقىرىمى اياقتالادى», دەدى تولەگەن ابدۋللين.
وسىلايشا, جىل قورىتىندىسى بويىنشا نورماتيۆتىك جاعدايداعى جولداردىڭ ۇلەسى رەسپۋبليكالىق جەلى بويىنشا 91%-عا جانە جەرگىلىكتى جەلى بويىنشا 85% عا دەيىن جەتكىزىلەدى.
اۆتوموبيل جولدارى كوميتەتىنىڭ توراعاسى تولەگەن ابدۋللين بريفينگتە سونداي-اق بيىل ۇزىندىعى 72 شاقىرىم بولاتىن «پودستەپنوە – فەدوروۆكا» اۆتوجولىنىڭ ەكى ۋچاسكەسىن رەكونسترۋكتسيالاۋ جۇمىستارى باستالعانىن مالىمدەدى. قالعان 2 ۋچاسكەدە قاراجات تارتۋ ەسەبىنەن قارجىلاندىرۋ ماسەلەسى پىسىقتالۋدا.
بۇدان بولەك بيىل قىزىلوردا وبلىسىنىڭ اۋماعى بويىنشا «قىزىلوردا-جەزقازعان» اۆتوجولىن قايتا جاڭارتۋ باستالعانىن حابارلادى. ال ۇلىتاۋ وبلىسىنىڭ اۋماعىنداعى قالعان ۋچاسكەلەر بويىنشا مەردىگەرلىك ۇيىمدى انىقتاۋ ءۇشىن كونكۋرستىق راسىمدەر جۇرگىزىلىپ جاتقانىن ايتتى. سونداي-اق جەكەلەگەن ۋچاسكەلەردە جوبالاۋ سمەتالىق قۇجاتتامالار ازىرلەۋ جۇمىستارى اياقتالۋدا. اتالعان جوبالار مەملەكەت باسشىسىنىڭ تاپسىرماسى اياسىندا جۇزەگە اسىرىلىپ جاتقانىن ايتا كەتكەن ءجون.
«الەۋەتتى جوبالارعا توقتالا كەتسەم, جوبالاۋ پروتسەسىندە 3 جاڭا جوبا بار. اتاپ ايتقاندا, ورال قالاسىنىڭ وڭتۇستىك-باتىس اينالما جولىمەن «اتىراۋ-ورال», «جەزقازعان-قاراعاندى» جانە «اقتوبە-ۇلعايسىن». جوبالاۋ جۇمىستارىن 2023 جىلى اياقتاۋ كوزدەلىپ وتىر. بۇدان سوڭ قۇرىلىس-مونتاجداۋ جۇمىستارىن باستاۋ جوسپارلانۋدا», دەدى كوميتەت توراعاسى.
