زاڭ جوباسىنا ەنگىزىلگەن جاڭالىقتار اۋىل شارۋاشىلىعى ونىمدەرىن قايتا وڭدەۋ كەزىندە ققس سالىعىن 70%-عا ازايتۋ جونىندەگى ەرەجەنى كەڭەيتۋدى كوزدەيدى. ەندى تولەنەتىن سالىقتىڭ وسىلاي تومەندەۋى بالىق وڭدەۋمەن اينالىساتىن كاسىپورىندارعا دا قاتىستى بولادى. قانت, كونديتەرلىك ونىمدەر مەن اشىتقى وندىرۋشىلەر ءۇشىن دە ققس مولشەرىن 70% تومەندەتۋ ۇسىنىلىپ وتىر. زاڭ جوباسىندا سونىمەن قاتار قانت شيكىزاتىن يمپورتتاۋشىلاردى دا ققس تولەۋدەن بوساتۋ ۇسىنىلدى.
زاڭ جوباسىندا قازاقستانعا 2022 جىلدىڭ 1 قىركۇيەگىنە دەيىن شەتەلدەن اكەلىنگەن اۆتوموبيلدەردى باستاپقى تىركەۋگە الۋ ءۇشىن بىرىڭعاي الىم مولشەرىن قولدانۋ دا جازىلعان. الىم سوماسى 200 مىڭ تەڭگە بولادى. قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ ءوزىنىڭ «ادىلەتتى مەملەكەت. ءبىرتۇتاس ۇلت. بەرەكەلى قوعام» اتتى جولداۋىندا وسىنداي تاپسىرمانى جاريا ەتكەن بولاتىن.
سەناتورلار زاڭ جوباسىن تالقىلاۋ قورىتىندىسى بويىنشا ونى پالاتانىڭ قاراۋىنا جىبەرۋ تۋرالى شەشىم قابىلدادى.
