مەملەكەت باسشىسىنىڭ تاپسىرماسى بويىنشا ەرجۇرەك ءورت ءسوندىرۋشىنىڭ ەسىمىن ماڭگى ەستە ساقتاۋ ماقساتىندا استانا قالاسىنداعى كوشەلەردىڭ بىرىنە اسقار زابيكۋليننىڭ ەسىمى بەرىلىپ, ءبيۋستى ورناتىلاتىن بولادى.
ەسكە سالايىق, 16 قاراشادا ەلوردالىق ءورت سوندىرۋشىلەر استانادا ورتەنىپ جاتقان پاتەردەن ءۇش ادامدى امان الىپ قالعان بولاتىن. كەيىن توتەنشە جاعدايلار مينيسترلىگى حابارلاعانداي, جالىندى اۋىزدىقتاۋ كەزىندە ءورت سوندىرۋشىلەردىڭ وزدەرىن دە كۇيىك شالعان.
دارىگەرلەر اسقار زابيكۋليننىڭ ءومىرى ءۇشىن ءۇش كۇن بويى كۇرەستى. وكىنىشكە قاراي, وجەت ازامات اۋرۋحانا توسەگىندە كوز جۇمدى.
