جالپىۇلتتىق سوتسيال-دەموكراتيالىق پارتياسى اتىنان پرەزيدەنتتىكە ۇسىنىلعان نۇرلان اۋەسباەۆتىڭ سەنىمدى وكىلى، اتالعان پارتيانىڭ ەرتىس-بايان وڭىرىندەگى فيليالىنىڭ توراعاسى اجار ساعاندىقوۆا سايلاۋعا قاتىستى پىكىرىن ايتتى، دەپ حابارلايدى Egemen.kz.
«بايقاۋشىلاردىڭ ءموبيلدى توبىنىڭ قاتارىندا تاڭەرتەڭنەن بەرى پاۆلودار قالاسىنىڭ بىرنەشە ۋچاسكەسىندە بولدىم. جەرلەستەرىمىزدىڭ بەلسەندى كوزقاراسى مەن داۋىس بەرۋدەگى جاۋاپكەرشىلىگى قۋانتىپ وتىر. بىرقاتار ۋچاسكەلەردە ازاماتتاردىڭ تىركەلگەن جەرى بويىنشا ماسەلەلەر انىقتالدى. ول – ۋچاسكەلىك سايلاۋ كوميسسياسىنىڭ كىناسى ەمەس. ۋچاسكەلەردە وتىرعان حالىققا قىزمەت كورسەتۋ ورتالىقتارىنىڭ قىزمەتكەرلەرى سول جەردە ازاماتتاردى تىركەپ، تۇسىنىسپەۋشىلىكتەردى قاپەلىمدە شەشىپ جاتتى. مۇنداي جاعدايدىڭ جاڭادان سالىنىپ جاتقان «سارىارقا» شاعىن اۋدانى اۋماعىندا بىرنەشە مارتە قايتالانعانىنا كۋا بولدىق. ادامدار ءالى تىركەۋگە تۇرىپ ۇلگەرمەگەن. قازىر مىنە، № 15 سايلاۋ ۋچاسكەسى ورنالاسقان جەرگە كەلىپ وتىرمىز. ەشبىر كەمشىلىك تىركەلگەن جوق. كوميسسيا مۇشەلەرى كەلۋشىلەرگە ساۋاتتى تۇردە بارلىعىن ءتۇسىندىرىپ، تولىق ماعلۇمات بەرۋدە»، دەيدى ول.
اجار ساعاندىقوۆا 2007 جىلدان بەرى ەلىمىزدە ءوتىپ جاتقان ساياسي ناۋقاندارعا بەلسەنە قاتىسىپ كەلە جاتىر. ول ۇزاق ۋاقىتتان سوڭ ءوزى تىركەلگەن پارتيادان العاش رەت پرەزيدەنتتىكە ۇمىتكەر ۇسىنىپ، تۇڭعىش رەت سەنىمدى وكىلى اتانىپ وتىرعانىن ۇلكەن ابىروي دەپ سانايدى.
ايتا كەتەيىك، قازىرگى ساتتە ءار قالا، اۋدان، اۋىلدا جسدپ بايقاۋشىلارى سايلاۋ بارىسىن باقىلاپ ءجۇر.
اقپاتەردەگى يننوۆاتسيالىق جوبا
ءونىم • كەشە
عالىم • كەشە
تۇلعا • كەشە
ءبىلىم • كەشە
قوعام • كەشە
قازاقستان • كەشە
ۇقساس جاڭالىقتار
ونلاين 
