اقتوعاي اۋدانىنداعى وتەس اتتى اياداي عانا اۋىلدىڭ جۇرتى بۇگىن تاڭ قاراڭعىسىنان تۇرىپ، سايلاۋ ۋچاسكەسىنە شۇبىردى. ۇلكەن-كىشىنىڭ ءبارى قالماي، ءوز تاڭداۋىن جاساۋعا اسىققاندار قاتارىندا اۋىل اقساقالى تىلەن كوشكىنباەۆ تا توبە كورسەتتى، دەپ جازادى Egemen.kz.
اقساقال جالعىز كەلمەي، بايبىشەسى، وتباسى مۇشەلەرى، نەمەرە-شوبەرەلەرىمەن بىرگە جاپپاي داۋىس بەردى. ءبىر اۋلەتتەن بىردەن 12 ادامنىڭ كەلىپ سايلاۋعا بەلسەندى قاتىسىپ جاتقانى كوميسسيا مۇشەلەرى مەن تاۋەلسىز بايقاۋشىلاردى ءسۇيسىندىردى.
«قۇدايعا شۇكىر، جۇماقتاعىداي تىرلىك كەشىپ وتىرمىز دەپ اسىرەلەپ ايتۋدان اۋلاقپىز. ەل ءىشى بولعاندىقتان كەيبىر قيىندىقتار مەن كەمشىن قالعان تۇستارىمىزدىڭ دا كەزدەسەتىنىن جاسىرمايمىز. ايتسە دە اۋىلىمىز جىلدان-جىلعا كوركەيىپ، ىلگەرى باسىپ كەلەدى. وسىدان بىرەر جىل بۇرىن وتەسكە ورتالىقتاندىرىلعان سۋ قۇبىرى تارتىلعان ەدى. بيىل اۋىلعا كىرەتىن جولعا اسفالت توسەلىپ، ەلدىڭ قۋانىشىن ەسەلەدى. مۇنداي يگىلىكتەر بۇرىن-سوڭدى بولماعان. وتباسىمىزبەن ريزا بولىپ جاتىرمىز. قالادان كەم ەمەسپىز، سۋىمىز ۇيدە، ءبارى دايىن. ۇياداي عانا شاعىن اۋىل بولسا دا، ەل ءىشى بەرەكەگە تولى. جاستارعا ايتارىم، مەملەكەت قازىر بارلىق مۇمكىندىكتى ءۇيىپ-توگىپ بەرىپ جاتقاندا جاعدايدى وڭتايلى پايدالانۋ كەرەك. وقۋ كەرەك پە، ماماندىق اتاۋلىنىڭ تورەسىن تاڭداپ الىپ، تەگىن ءبىلىم الۋعا جول اشىق. دەنساۋلىق دەي مە، قاي جەرگە باس سۇقساڭ دا، ەم-دوم تەگىن كورسەتىلەدى. وسى يگىلىكتىڭ بارلىعى قاراپايىم حالىق ءۇشىن جاسالىپ جاتىر»، دەپ ءوز ريزاشىلىعىن جەتكىزدى 78 جاستاعى قاريا.
مەملەكەت باسشىسى ەجي ستاراكپەن كەزدەستى
پرەزيدەنت • كەشە
پرەزيدەنت دەۆيد ليۆينگستوندى قابىلدادى
پرەزيدەنت • كەشە
مەملەكەت باسشىسى ازيا دامۋ بانكىنىڭ پرەزيدەنتىمەن كەزدەستى
پرەزيدەنت • كەشە
ۇقساس جاڭالىقتار
ونلاين 
