وتىرىس بارىسىندا ساۋدا جانە ينتەگراتسيا ءبىرىنشى ۆيتسە-ءمينيسترى ارمان شاققاليەۆ باستاعان دەلەگاتسيا حاتتاماعا سايكەس تاپسىرمالاردىڭ ورىندالۋ بارىسىمەن تانىستى.
تاۋارلاردى تاڭبالاۋ مەن ولاردىڭ قاداعالانۋىنىڭ بىرىڭعاي وپەراتورى جانىنداعى جوبالاۋ ءوفيسىنىڭ باسقارۋشى ديرەكتورى المات يسمايلوۆ بايانداما جاساپ, كاسىپكەرلەردىڭ وزدەرى ايتقان ماسەلەلەردىڭ قالاي شەشىلەتىنىن كورسەتتى, سونداي-اق بارلىق تاۋار توبى بويىنشا جاسالعان جۇمىس مارتەبەسىن اتاپ ءوتتى.
اتاپ ايتقاندا, اياقكيىم ونىمدەرىن يمپورتتاۋشىلار مەن وندىرۋشىلەر ءۇشىن تاڭبالاۋ جۇيەسىندەگى جۇمىس بويىنشا تەحنيكالىق شەشىمدەر كورسەتىلدى. بۇعان دەيىن اياقكيىم بيزنەسىنىڭ وكىلدەرى تاڭبالاۋ جۇيەسىنىڭ تەحنيكالىق ەرەكشەلىكتەرىنە نارازىلىق ءبىلدىردى, وسىعان بايلانىستى بىرىڭعاي وپەراتور كاسىپكەرلەرمەن جۇيەلى كەزدەسۋلەر وتكىزەدى جانە وسى ماسەلەلەردى شەشۋ ماقساتىندا جۇمىس جۇرگىزۋدە. مىسالى, قازىر تاڭبالاۋمەن جۇمىس ىستەۋ ءۇشىن كاتالوگكە اياقكيىم اتاۋلارىن ەنگىزۋ جۇيەسى جەڭىلدەتىلۋدە.
ء«بىز ۇدەرىستەردى وڭتايلاندىرۋ بويىنشا كەلەسى جۇمىستاردى جۇرگىزدىك: تاۋار تۇرلەرىن بىرىكتىرۋ فۋنكتسياسىن قوسىپ, وسىلايشا پايدالانۋشىنى تاۋاردىڭ 100 ءتۇرىن تاڭداۋ قاجەتتىگىنەن بوساتتىق. سونداي-اق الدىڭعى قۇجاتتارعا نەگىزدەلگەن دەرەكتەردى اۆتوماتتى تۇردە تولتىرۋدى قامتاماسىز ەتتىك, ياعني بىردەي دەرەكتەردى بىرنەشە رەت تولتىرماۋ ءۇشىن دەرەكتەردى اۆتوماتتاندىرۋ جۇمىستارىن جۇرگىزدىك. جۇيە ەندى ەنگىزىلگەن دەرەكتەردى ەستە ساقتايدى, پايدالانۋشىعا ونى بىرنەشە رەت ەنگىزۋدىڭ قاجەتى جوق. ينۆويس نەگىزىندە باقىلاۋ قۇجاتتارىنا كەلەتىن بولساق, جۇيەنىڭ ءتاسىلى مەن لوگيكاسىن تولىعىمەن وزگەرتتىك. وسى ينۆويس نەگىزىندە يمپورتتاۋشى تاڭبالاۋدا ەلەكتروندىق قۇجاتتاردى جازادى. ىسكە اسىرۋ مەرزىمى – 18 قاراشا», دەپ ءبولىستى المات يسمايلوۆ.
ونىڭ ىشىندە دارىلىك زاتتاردى قاداعالاۋ ماسەلەسىنە ەرەكشە نازار اۋدارىلدى. كەزدەسۋدە ء«وندىرۋشى – ديستريبيۋتور – ءدارىحانا» باعىتى بويىنشا اينالىمعا قاتىسۋشىلار اراسىندا قابىلداۋ جانە بەرۋ اكتىسىنىڭ قوزعالىسى مىسالىندا جۇيەنىڭ تەحنيكالىق دايىندىعى كورسەتىلدى.
سونىمەن قاتار بىرىڭعاي وپەراتور بارلىق تاڭبالاۋ پروتسەسى, سونداي-اق بۋحگالتەرلىك ەسەپ, قويما قىزمەتتەرى مەن نەسيە جانە ءبولىپ تولەۋ سياقتى بانك قۇرالدارى ءبىر قاراپايىم جانە قولجەتىمدى جۇيەگە بىرىكتىرىلەتىن پاكەتتەلگەن بيزنەس-شەشىم ازىرلەۋ بويىنشا العاشقى ناتيجەلەردى كورسەتتى.
ساۋدا جانە ينتەگراتسيا ءبىرىنشى ۆيتسە-ءمينيسترى ارمان شاققاليەۆ باستاعان دەلەگاتسيا وكىلدەرى سۇراق قويىپ, بىرىڭعاي وپەراتور جۇمىسىنداعى ورىندالاتىن بىرقاتار مىندەتتى قالىپتاستىردى.
تسيفرلىق ەكونوميكانى دامىتۋ ورتالىعى ءباسپاسوز قىزمەتىنىڭ حابارلاۋىنشا, قازىرگى ۋاقىتتا بيزنەستىڭ تۇسىنىكتەمەلەرىن ەسكەرە وتىرىپ, تسيفرلىق تاڭبالاۋ جۇيەسىن وڭايلاتۋ جانە جاقسارتۋ بويىنشا جۇمىس جۇرگىزىلەدى. بىرىڭعاي وپەراتور پروتسەستى بيزنەس ءۇشىن بارىنشا ىڭعايلى جانە بەيىمدەلگىش ەتۋ ءۇشىن قازاقستاننىڭ ءىت-قاۋىمداستىعىن تسيفرلىق تاڭبالاۋ ەكوجۇيەسىن بىرلەسىپ دامىتۋعا شاقىردى. قازىرگى ۋاقىتتا
ءىت-كومپانيالارمەن كەزدەسۋلەر وتكىزىلىپ, جۇيەلەردى ينتەگراتسيالاۋ جوسپارلارى پىسىقتالىپ جاتىر.
