اتاپ ايتقاندا, پرەزيدەنت قالا جاستارىنا ساپالى جانە قولجەتىمدى ءبىلىم بەرۋ ماسەلەلەرىنە ەرەكشە نازار اۋدارۋ قاجەتتىگىن ايتتى. وسى ورايدا ۇكىمەت تاراپىنان بۇل باعىتتا ۇلكەن جۇمىستار ىسكە اسىپ جاتقانىن جانە سوڭعى جىلدارى ءبىلىم مەن عىلىمدى دامىتۋدا ايتارلىقتاي ىلگەرىلەۋشىلىك بار ەكەنىن اتاپ وتكىم كەلەدى.
قازاقستاندا جاڭا عاسىردا تەحنيكا مەن عىلىم سالاسى وتە جوعارى دەڭگەيگە كوتەرىلەدى دەگەن سەنىم زور. عالىمداردىڭ ىزدەنىستەرى, اشقان جاڭالىقتارى, ونەرتاپقىشتاردىڭ ەڭبەگى مەن جاڭالىقتارى – كەز كەلگەن مەملەكەتتىڭ گۇلدەنۋىنىڭ كەپىلى. سوندىقتان پرەزيدەنت عىلىمي جاڭعىرۋدىڭ جاڭا تولقىنىنا دەم بەرە وتىرىپ, وسى جولداعى يگى جوبالارعا جول اشىپ وتىر. جاستار بىلىمگە بەلسەندى ۇمتىلۋمەن قاتار تەحنيكا ءتىلى مەن زاماناۋي تەحنولوگيالاردى مەڭگەرەتىنى ءسوزسىز. ارينە, وزىق يدەيالار مەن ستارتاپ-جوبالاردى جۇزەگە اسىرۋ, جاستاردى ءبىلىم مەن عىلىم جولىنا باعىتتاۋ, ولارعا باسەكەگە قابىلەتتى بولۋعا كومەكتەسۋ پەداگوگتەر مەن عالىمداردان جوعارى بىلىكتىلىك تالاپ ەتىلەتىنى انىق.
ەلىمىزدە پەداگوگيكالىق ءبىلىم بەرۋدى دامىتۋ, ساپالى كادرلار دايارلاۋ باعىتىندا دا جاۋاپتى مىندەتتەر تۇر. مەملەكەت باسشىسى قوعامدى دامىتۋ ءۇشىن پەداگوگتەردىڭ ءرولى, ولاردىڭ مارتەبەسىن كوتەرۋ تۋرالى ۇنەمى ايتىپ, ناقتى شارالاردى نازاردان تىس قالدىرعان ەمەس.
دارحان ءبىلالوۆ,
اباي اتىنداعى قازۇپۋ باسقارما توراعاسى-رەكتور
