ەكولوگيا • 17 قاراشا، 2022

ەكولوگياعا ەرەكشە جاناشىرلىق

63 رەت كورسەتىلدى

اقتوبە وبلىسىنىڭ اكىمى ەرالى توعجانوۆ پەن «ەۋرازيالىق توپ» جشس باسقارما توراعاسى سەرىك شاحاجانوۆ ەكولوگيالىق جوبالاردى جۇزەگە اسىرۋ ماقساتىندا بىرلەسكەن مەموراندۋمعا قول قويدى، دەپ حابارلايدى Egemen.kz.

ERG قۇرامىنداعى «قازحروم» كومپانياسى ءوزىنىڭ جاۋاپكەرشىلىگى مەن الەۋمەتتىك باعدارلى كومپانيا ەكەنىن پاش ەتە وتىرىپ، 2023-2027 جىلدار ارالىعىندا قورشاعان ورتاعا اسەردى ازايتۋعا باعىتتالعان بىرقاتار شارالاردى جۇزەگە اسىرۋعا نيەتتى ەكەنىن مالىمدەدى.

كومپانيا مىندەتتەمەلەر اياسىندا اقتوبە فەرروقورىتپا زاۋىتىنىڭ ءبىرىنشى جانە ەكىنشى تسەحتارىندا قاتتى بولشەكتەردى 99% ءتيىمدى تازالايتىن گاز تازارتۋ قۇرىلعىلارىن ورناتۋعا، كاسىپورىننىڭ ىشكى قاجەتتىلىكتەرى ءۇشىن ەلەكتر ەنەرگياسىن ءوندىرۋ ماقساتىندا قايتا وڭدەۋ ەلەكتر ستانتسياسىن سالۋ ارقىلى №4 بالقىتۋ تسەحىنىڭ فەرروقورىتپا گازىن تولىقتاي كادەگە جاراتۋعا، سانيتارلىق-قورعاۋ ايماعىندا 100 مىڭنان استام كوشەت ەگۋگە، فەرروقورىتپا وندىرىسىندە وندىرىلەتىن كەندى تولىقتاي قايتا وڭدەۋگە نيەتتى.

ءوڭىر باسشىسى ەرالى توعجانوۆ ەۋرازيالىق توپ باسشىلىعىمەن جاساسقان كەلىسسوزدىڭ ناتيجەسىمەن ءبولىستى

«قازاقستاندا العاش رەت ءىرى كومپانيا وندىرىلەتىن كەندى تولىقتاي قايتا وڭدەۋگە بەت بۇرىپ جاتىر. بۇل ەل ەكونوميكاسىنىڭ ءوسۋى، قوسىمشا جۇمىس ورىندارى اشىلىپ، كومپانيا مەن ەلىمىزدىڭ مۇمكىندىكتەرى ارتادى دەگەن ءسوز. مەموراندۋم تارماقتارىن ىسكە اسىرۋعا مۇددەلىلىك تانىتقانى ءۇشىن ERG-گە بولەك العىس ايتامىن. «قازحروم» كومپانياسىنىڭ ءبىزدىڭ وڭىرگە ىقپالى زور. سىزدەرگە قاراپ قالعان كاسىپورىندار ۇلگى الاتىنىنا كۇمانىم جوق»، دەدى ەرالى توعجانوۆ.  

لبۇل رەتتە «ەۋرازيالىق توپ» جشس باسقارما توراعاسى سەرىك شاحاجانوۆ كومپانيانىڭ باستى ماقساتىن اتادى.

«بۇگىن ءبىز اقتوبە وبلىسى اكىمدىگىمەن ەكولوگيالىق مەموراندۋمعا قول قويامىز. بۇل قادام ءوندىرىستىڭ ەكولوگيالىق جاعىنان تازالىعىن جانە بيزنەستىڭ الەۋمەتتىك جاۋاپكەرشىلىگىن ارتتىرۋ ماسەلەسى  توپ ءۇشىن قانشالىقتى ماڭىزدى ءارى وزەكتى ەكەنىن تاعى ءبىر مارتە دالەلدەپ وتىر.  كاسىپورىندارىمىز ونداعان جىلدار بويى جۇمىس ىستەپ كەلە جاتقانىنان قاراماستان، ءبىزدىڭ ماقساتىمىز – تسەحتاردى جاڭعىرتۋ، قورشاعان ورتاعا جۇكتەمەنى ازايتۋ جانە قالدىقسىز وندىرىسكە كوشۋ»، دەدى «ەۋرازيالىق توپ» جشس باسقارما توراعاسى سەرىك شاحاجانوۆ.

اقتوبە فەرروقورىتپا زاۋىتىنا اۆتوماتتاندىرىلعان باقىلاۋ جۇيەسىن قوندىرۋ جانە باسقا دا شارالار جوسپارلانعان. مەموراندۋم شارالارىن ىسكە اسىرۋ ERG كاسىپورىندارىنا الەمدىك نورماتيۆتەرگە سايكەس بولۋعا مۇمكىندىك بەرەدى.

ش

اقتوبە وبلىسىنىڭ اكىمدىگى تاراپىنان جانجاقتى قولداۋ كورسەتىلەدى، سەبەبى وندىرىستىك قىزمەتتىڭ ايماقتاعى قورشاعان ورتاعا انتروپوگەندىك اسەرىن ازايتۋعا باعىتتالعان شارالاردى جۇزەگە اسىرۋ ءوڭىر تۇرعىندارى ءۇشىن اسا ماڭىزدى.

ايتا كەتسەك، «قازحروم» كومپانياسى ERG-ءدىڭ ەكولوگيالىق ستراتەگياسى اياسىندا جۇمىس ىستەيدى، قورشاعان ورتاعا اسەردى تومەندەتۋگە باعىتتالعان اۋقىمدى جوبالاردى تۇراقتى ىسكە اسىرىپ كەلەدى.

ماسەلەن، سانيتارلىق-قورعاۋ ايماعىندا اۆتوماتتاندىرىلعان باقىلاۋ جۇيەسىن ورناتۋ جوباسىن اقتوبەدە العاش بولىپ اقتوبە فەرروقورىتپا زاۋىتى مەن ءدوڭ تاۋ-كەن بايىتۋ كومبيناتى جۇزەگە اسىرعان. ينۆەستيتسيانىڭ جالپى كولەمى 500 ملن تەڭگە. قازىرگى كۇنى مالىمەت ERG سەرۆەرىنە تۇسەدى، قۇزىرلى مەكەمەلەر دەرەكتەردى جالپىعا قولجەتىمدى دەرەككوزگە تاراتۋ ماسەلەسىن پىسىقتاپ جاتىر.

بۇدان بولەك، اقتوبە فەرروقورىتپا زاۋىتىنىڭ كاسىپورىن ىسكە قوسىلعاننان بەرى جۇمىس ىستەپ كەلە جاتقان №1 جانە №2 بالقىتۋ تسەحتارىن جاڭعىرتۋدىڭ العاشقى ناتيجەلەرى دە كورىنە باستادى. «قازحروم» تۇك» اق دامۋ ستراتەگياسىن قايتا قاراي كەلە، 600 ادام جۇمىس ىستەيتىن ەسكى بالقىتۋ تسەحتارىن جاپپاي، مۇنىڭ ورنىنا گازتازارتۋ جۇيەسىن جاڭارتۋ ارقىلى ولاردى قايتا قۇرۋدى ۇيعارعان. وسىلايشا، اقتوبە فەرروقورىتپا زاۋىتىنىڭ 1943 جىلدان بەرى جۇمىس ىستەپ كەلە جاتقان ەڭ العاشقى پەشى – ايگىلى «كومسومولكا» ءبىرىنشى بولىپ جەتىلدىرىلدى.    

«قازحروم» قالدىقتاردى وڭدەۋ تۇرعىسىندا سىرتقى مەكەمەلەردىڭ قىزمەتىنەن 2020 جىلدان بەرى باس تارتتى. قۇرامىنا «قازحروم» كىرەتىن ERG-دە جاڭا ERG Recycling كومپانياسى قۇرىلدى. ول كاسىپورىننىڭ ءوندىرىس قالدىقتارىمەن بايلانىستى قىزمەتتەر توبىن ورىنداۋعا ماماندانعان. جىلىنا 200 مىڭ توننا تۇراقتاندىرىلعان جانە قىرتىستالعان قوج قايتا وڭدەلەدى. 2019 جىلى باستالعان اقتوبە فەرروقورىتپا زاۋىتى تازارتىلعان فەرروحرومىنىڭ قوردالانعان قوجدارىن قايتا وڭدەۋ بويىنشا ستراتەگيالىق مىندەتتەرىن ورىنداۋدى جالعاستىرىپ كەلەدى. 2019 جىلى – 50 مىڭ توننا، 2020 جىلى – 100 مىڭ توننانى قايتا وڭدەۋ ماقساتى ءساتتى جۇزەگە اسىرىلدى. 2021 جىلى قوسىمشا 150 مىڭ توننا قوج قايتا وڭدەلدى. ERG Recycling 2025 جىلعا دەيىن جىلدىق كولەمدى 500 مىڭ تونناعا جەتكىزۋدى جوسپارلاپ وتىر.

بۇدان وزگە، كومپانيا جاس بۋىننىڭ ەكولوگيالىق كوزقاراسىن قالىپتاستىرۋ شارالارىن جۇزەگە اسىرىپ كەلەدى. اقتوبە مەن حرومتاۋدا «جاسىل مەكتەپ» جوباسى، پلاستيك ونىمدەرىمەن كۇرەسكە باعىتتالعان «پاكەت، كەت» اكتسياسى وتكىزىلەدى. كومپانيا اقتوبەدە ءۇيسىز جۇرگەن جانۋارلاردى تەگىن زارارسىزداندىرۋدى قارجىلاندىرادى، سونداي-اق كومپانيادا ءۇشىنشى جىل قاتارىنان قوقىستاردى بولەك جيناۋ جوباسى ورىندالىپ كەلەدى.  

گ

سوڭعى جاڭالىقتار

الماتىدا ەكى اۆتوبۋس سوقتىعىستى

ايماقتار • بۇگىن، 11:33

ءوندىرىس كولەمى كەمىگەن

قازاقستان • بۇگىن، 08:58

ەرتە قامدانعاننىڭ ەسەسى كەتپەيدى

توتەنشە جاعداي • بۇگىن، 08:50

ادىلدىك ىزدەگەن كاسىپكەر

كاسىپكەر • بۇگىن، 08:40

مۋزەي قورى تولىعا تۇسەدى

مۋزەي • بۇگىن، 08:35

ۇقساس جاڭالىقتار