پاۆلودار وبلىسى تجد ءباسپاسوز قىزمەتى حابارلاعانداي, وقيعا ەۆگەنەۆكا اۋىلىنداعى جەكە ۇيلەردىڭ بىرىندە بولعان.
«14 قاراشا كەشكى ۋاقىتتا ۇيدەگى پەشكە وت جاعىلعان. ال كەلەسى كۇنى تاڭەرتەڭ بۇكىل وتباسى ءوزىن ناشار سەزىنىپ, جەدەل جاردەم شاقىرادى. تەكسەرۋ كەزىندە دارىگەرلەر ءۇي تۇرعىندارىنىڭ كومىرتەگى توتىعىمەن ۋلانعانىن انىقتادى», دەپ حابارلادى ۆەدومستۆونىڭ ءباسپاسوز قىزمەتى.
وڭىرلىك دەنساۋلىق ساقتاۋ باسقارماسىنىڭ مالىمەتىنشە, زارداپ شەككەندەر سول كۇنى اقسۋ قالالىق اۋرۋحاناسىنا جەتكىزىلدى.
«1958 جانە 1989 جىلى تۋعان ايەلدەردە, سونداي-اق 37 جاستاعى ەر ادامدا كومىرتەگى توتىعىمەن ۋلانۋدىڭ جەڭىل دارەجەسى انىقتالدى. تەكسەرۋدەن كەيىن ەرەسەكتەر امبۋلاتوريالىق ەمگە اۋىستىرىلىپ, ۇيلەرىنە جىبەرىلدى, ال بالالار اۋرۋحانادا. ولاردىڭ جاعدايى تۇراقتى», دەيدى ءباسپاسوز قىزمەتىندەگىلەر.
