قازاقستان 30 جىلدىق تاۋەلسىز دامۋدان كەيىن ەل دامۋىن تەجەيتىن بىرقاتار جۇيەلى ماسەلەگە تاپ بولىپ وتىر.
جەمقورلىق مەملەكەتتى باسقارۋ جۇيەسىنىڭ ءتيىمسىز جۇمىس ىستەۋىنە اكەپ سوقتىردى.
ەل ەكونوميكاسى – حالىقتىڭ يگىلىگىنە جۇمىس ىستەمەيتىن وليگارحتاردىڭ نەمەسە كۆازيمەملەكەتتىك كومپانيالاردىڭ قولىندا. قاتارداعى قازاقستاندىقتار جىل وتكەن سايىن كەدەيلەنە تۇسۋدە. ازىق-ت ۇلىك باعاسىنىڭ ۇدايى ءوسۋى قالىپتى جاعدايعا اينالدى. حالىقتىڭ نەسيەگە دەگەن تاۋەلدىلىگى كۇشەيىپ بارادى. حالىقتى قۇتقارۋعا ءتيىس الەۋمەتتىك ينفراقۇرىلىمنىڭ جاعدايى دا ءماز ەمەس.
اۋرۋحانالارداعى توسەك-ورىن جەتكىلىكسىزدىگى پاندەميا كەزىندە ءولىم كورسەتكىشىن كوبەيتتى. مەكتەپتەگى ورىن تاپشىلىعى وسكەلەڭ ۇرپاقتىڭ جارقىن بولاشاققا دەگەن ءۇمىتىن ۇزۋدە. ساپالى ءبىلىم الا الماعان جاستارىمىز باسەكەگە قابىلەتسىز بولادى.
قوعام, بيزنەس جانە مەملەكەتتى تەپە-تەڭدىك جاعدايىنا قايتارۋ كەرەك: ازاماتتارىمىز قايتا پايدا تابۋى, بيزنەس وليگارحات پەن مەملەكەتتىڭ قۋدالاۋى مەن قىسىمىنان قورىقپاي, ادال جۇمىس ىستەۋى.
جسدپ ۇرانى – «ەركىندىك. ادىلدىك. ىنتىماق!». مەن ءار شەشىمى ازاماتتارىمىزدىڭ يگىلىگىنە جۇمىس ىستەپ, پايداسىنا اسىرىلاتىن الەۋمەتتىك-جاۋاپتى ءتارتىپتى ورناتا الاتىنىمىزعا سەنەمىن.
پاراقورلىقپەن كۇرەستە, اسىرەسە ساياسي دەڭگەيدە باتىل شارالار قولدانىلماسا, قازاقستان تۇراقتى دامۋ جولىنا تۇسە المايدى دەپ ەسەپتەيمىن.
ساياسي جۇيەنى وزگەرتىپ, مەملەكەت پەن ەكونوميكانى ءادىل باسقارۋدى قالىپتاستىرۋ كەرەك. قازاقستان پارلامەنتتىك-پرەزيدەنتتىك رەسپۋبليكاعا اينالۋعا ءتيىس.
- سەنات تاراتىلادى, ال ءماجىلىس زاڭ شىعاراتىن جالعىز بيلىك ورگانى بولىپ قالادى. دەپۋتاتتاردىڭ سانى ارتتىرىلادى.
- ۇكىمەتتى ءماجىلىس قۇراتىن بولادى. پرەزيدەنتتە جاي عانا مينيسترلەر كابينەتىنىڭ قۇرامىن بەكىتۋ قۇقىعى قالادى.
- ءماجىلىس قۇرامىنىڭ 50%-ى پارتيا ءتىزىمى بويىنشا, ال قالعان 50%-ى ءبىر مانداتتىق وكرۋگتاردان قۇرىلادى.
- حالىقتىق پارلامەنتتىك باقىلاۋ – جەمقورلىقتىڭ ەڭ باستى توسقاۋىلى.
كورپوراتيۆتىك, وليگارحيالىق ەكونوميكا مەملەكەتتىڭ باسەكەگە قابىلەتتىلىگىن تومەندەتەدى. ساناۋلىلاردىڭ پايداعا كەنەلىپ, ميلليونداعان ادامنىڭ كەدەي كۇن كەشۋى – ناعىز جۇتاۋ.
- ءبىز ەگجەي-تەگجەيلى تەكسەرۋ جۇرگىزىپ, ۇرلانىپ, وففشورعا جاسىرىلعاننىڭ ءبارىن ەلىمىزگە قايتارۋعا مىندەتتىمىز. جوبالاي ەسەپ ۇلتتىق قورىمىزدىڭ ۇشەۋىنە تەڭ كەلەتىن الەۋەت شەت ەلدە جاتقانىن كورسەتىپ وتىر.
- تابيعي قازبالاردى وندىرۋمەن جانە ەكسپورتتاۋمەن اينالىساتىن سالالاردى بىرتە-بىرتە مەملەكەتتەندىرۋگە بايقاۋ جاريالانادى. ۇلتتىق وڭدەۋشى ونەركاسىپكە باسىمدىق بەرىلەدى.
- سالىق ساياساتىن تولىقتاي قايتا قاراستىرۋىمىز كەرەك. نارىقتا اۋقىمدى ۇلەستى يەلەنىپ وتىرعان كومپانيالار مەن كورپوراتسيالار ەل بيۋدجەتىنە ايتارلىقتاي كوپ تولەم تولەۋگە ءتيىس. ول قارجى الەۋمەتتىك باعدارلامالاردى جۇزەگە اسىرۋعا, مەملەكەت قارىزىن ازايتىپ, ۇلتتىق قوردى قۇتقارۋعا جۇمسالادى.
- ءبىز مونوپولياعا قارسى سەنىمدى توسقاۋىل ورناتامىز. راتسيونالدى كولەمنەن اسىپ تۇسكەن كەز كەلگەن كومپانيا پارلامەنتتىڭ نازارىنا ءىلىنىپ, حالىق الدىندا ەسەپ بەرەدى.
مەملەكەتتىڭ قازىرگى الەۋمەتتىك ساياساتى قازاقستاندىقتاردى دەگراداتسياعا ۇشىراتقانىن مويىنداۋعا ءماجبۇرمىن. بالالار ساپالى ءبىلىم, ەرەسەكتەر لايىقتى مەديتسينالىق قىزمەت الىپ جاتقان جوق.
ادام – مەنىڭ ساياساتىمنىڭ باستى نازارىندا.
- مەن ادامنىڭ بارلىق نەگىزگى قاجەتتىلىگى ەسكەرىلەتىن قازاقستاندىقتاردىڭ ءومىر ساپاسىنىڭ ستاندارتىن ەنگىزەمىن.
- مەديتسينا جانە ءبىلىم سالاسى بيۋدجەتتەن قارجىلاندىرىلادى. ءار سالاعا جىلىنا ءىجو-ءنىڭ ەڭ كەمى 5-7%-ى ءبولىنۋى كەرەك. ءبىز ازاماتتارعا قانشا مەكتەپ پەن اۋرۋحانا قاجەت بولسا, سونشا سالاتىن بولامىز.
- مەن تۇرعىن ءۇي باعدارلامالارىن تولىقتاي قايتا قاراستىرامىن. قازىرگى كەزدە ولار قۇرىلىس سالۋشىلاردىڭ مۇددەسى مەن قالتاسىنا جۇمىس ىستەۋدە. بۇل جاعداي تۇرعىن ءۇيدىڭ قىمباتتاۋىنا اكەلىپ جاتىر.
مەن قازاقستاننىڭ ينتەگراتسيالىق پروتسەستەرگە قاتىسۋىن قايتا قاراۋعا نيەتتىمىن. مەنىڭ پوزيتسيام – ستراتەگيالىق سالالارداعى قالىپتى پروتەكتسيونيزمدى ۇستانۋ.
سوتسيال-دەموكراتيا باعىتى قازاقستانعا ەلدە ءتارتىپ ورناتۋ جانە مەملەكەتتىڭ نازارىن حالىققا اۋدارتۋ ءۇشىن قاجەت.
ءبىز ىنتىماقتاستىق, ادىلەتتىلىك جانە ەركىندىك ارقىلى قايشىلىقتار مەن جۇيەلى ماسەلەلەردى جەڭە الامىز دەگەن سەنىمدەمىز.
حالىق بيلىگى مەن ەركىن قوعام ءۇشىن!
قازاقستان رەسپۋبليكاسىنىڭ پرەزيدەنتتىگىنە ۇمىتكەر ن.س. اۋەسباەۆتىڭ سايلاۋالدى شتابىمەن ازىرلەندى. تاپسىرىس بەرۋشى: ن.س. اۋەسباەۆ قر رەسپۋبليكالىق بيۋدجەتىنىڭ قارجىسىنان تولەندى
