جالپىۇلتتىق سوتسيال-دەموكراتيالىق پارتياسىنىڭ توراعاسى اسحات راحيمجانوۆتىڭ ايتۋىنشا, سايلاۋالدى ناۋقان اياسىندا 60-قا جۋىق ءىس-شارا وتكىزۋ كوزدەلگەن. بۇگىندە جسدپ-دان ۇمىتكەر ەلىمىزدىڭ بىرقاتار وڭىرىندە سايلاۋشىلارمەن – ەڭبەك ۇجىمدارى, اۋىل تۇرعىندارى, شوب وكىلدەرى, شىعارماشىلىق زيالى قاۋىم, ستۋدەنتتەر جانە حالىقتىڭ باسقا دا توپتارىمەن كەزدەسۋلەر وتكىزۋدە.
«ۇگىت ناسيحات جۇمىسى باستالعان ۋاقىتتان بەرى سايلاۋالدى شتاب بىرقاتار ءىس-شارا وتكىزىپ, بىرقاتار وڭىرگە ساپارمەن باردى. اتاپ ايتقاندا, نۇرلان اۋەسباەۆ قاراعاندى, اقتوبە, اقمولا, باتىس قازاقستان وبلىستارىندا, شىمكەنت جانە الماتى قالالارىندا كەزدەسۋلەر وتكىزدى. ودان بولەك, بىرقاتار اۋىلدىق ەلدى مەكەندەردىڭ تۇرعىندارىمەن جۇزدەستى», دەپ حابارلادى اسحات راحيمجانوۆ.
بۇعان قوسا, ول ايماقتىق سايلاۋالدى شتابتار قازاقستان بويىنشا 30-دان استام ۇگىت-ناسيحات شاراسىن وتكىزگەنىن اتاپ ءوتتى.
اتاپ ايتقاندا, 5 قاراشادا جسدپ-دان كانديدات رەسپۋبليكالىق سايلاۋالدى شتابتىڭ ۇيىمداستىرۋىمەن وتكەن تىعىز قۇرىلىسقا قارسى بەيبىت ميتينگىگە قاتىستى. اتالعان تاقىرىپ ءىرى قالالاردىڭ تۇرعىندارىن الاڭداتاتىن وزەكتى ماسەلەنىڭ ءبىرى ەكەنىن اتاپ وتكەن ءجون. نۇرلان اۋەسباەۆ سايلاۋالدى باعدارلاماسىندا قۇرىلىس ماسەلەسىنە باسا نازار اۋدارىپ وتىر. اتاپ ايتقاندا, ول تۇرعىن ءۇي باعدارلامالارىن تولىقتاي قايتا قاراستىرماق. ونىڭ پىكىرىنشە, قازىرگى كەزدە باعدارلامالار قۇرىلىس سالۋشىلاردىڭ مۇددەسىنە ءارى قالتاسىنا جۇمىس ىستەۋدە. بۇل جاعداي تۇرعىن ءۇيدىڭ قىمباتتاۋى مەن ءار بوس تەلىمگە ءۇي سالۋ نيەتىنە اكەپ سوقتىرىپ جاتىر. سوندىقتان جسدپ ۇمىتكەرى قولجەتىمدى يپوتەكالاردى سۋبسيديالاۋدى جالعاستىرىپ, بولىنەتىن بيۋدجەتتى جەرگىلىكتى ءماسليحاتتىڭ قاداعالاۋىمەن جۇمساۋدى جوسپارلاپ وتىر.
ميتينگىگە قاتىسقان بەلسەندىلەر مەن پارتيالىقتار رەزوليۋتسيا قابىلدادى, وندا جسدپ تۇرعىن ءۇي كەشەندەرىمەن قاتار, بالاباقشا, مەكتەپ, اۋرۋحانا, ساياباق قۇرىلىسىن مىندەتتەيتىنى اتاپ وتىلگەن.
ەسكە سالا كەتەيىك, ن.اۋەسباەۆتىڭ سايلاۋالدى باعدارلاماسىندا حالىقتىڭ الەۋمەتتىك الەۋەتىن كوتەرۋمەن قاتار, ەلدە ساياسي رەفورما جۇرگىزۋ, ونىڭ ىشىندە وليگارحات پەن جەمقورلىقپەن كۇرەس ماسەلەسىنە ەرەكشە كوڭىل بولىنگەن.
كانديدات ەگجەي-تەگجەي تەرگەۋ جۇرگىزىپ, ۇرلانعان جانە وففشورلارعا شىعارىلعاننىڭ ءبارىن, سونداي-اق جەكەمەنشىككە ءوتىپ كەتكەن كومپانيالاردى مەملەكەتكە قايتارىپ, قازاقستاندا وليگارحيالىق كاپيتاليزمنىڭ ورنىنا حالىقتىق ەكونوميكا ورناتۋ كەرەك دەپ ەسەپتەيدى.
سونىمەن قاتار پاراقورلارعا جازانى ماكسيمالدى تۇردە قاتاڭداتىپ, ولاردىڭ تۇرمەدەن مەرزىمىنەن بۇرىن بوساۋىنا توسقاۋىل قويىپ, جەمقورلىقپەن كۇرەستى كۇشەيتۋ كەرەك دەگەن پىكىردە.
نۇرلان اۋەسباەۆتىڭ پىكىرىنشە, قازاقستان ساياسي رەفورما جاساپ, حالىقتىق ەكونوميكانى ورناتۋ ارقىلى مەملەكەتتىڭ ەكونوميكالىق گۇلدەنۋىنە جاعداي جاساي الادى.
قازاقستان رەسپۋبليكاسىنىڭ پرەزيدەنتتىگىنەن ۇمىتكەر ن.س.اۋەسباەۆتىڭ سايلاۋالدى شتابى ازىرلەدى. تاپسىرىس بەرۋشى: ن.س.اۋەسباەۆ. قازاقستان رەسپۋبليكاسىنىڭ پرەزيدەنتتىگىنەن ۇمىتكەر ن.س.اۋەسباەۆتىڭ سايلاۋ قورىنىڭ قارجىسىنان تولەندى
