نۇرلان اۋەسباەۆتىڭ پىكىرىنشە, مەملەكەت الدىندا تۇرعان باستى مىندەت – ساياسي جۇيە رەفورماسى. قازاقستان پارلامەنتتىك-پرەزيدەنتتىك باسقارۋ ۇلگىسىنە وتۋگە ءتيىس. ياعني پرەزيدەنت وكىلەتتىگىن قايتا قاراستىرۋ قاجەت. مەملەكەت باسقارۋداعى باستى ءرول پارلامەنتكە تيەسىلى بولۋعا ءتيىس. زاڭ شىعارۋشى بۇل ورگاندى قايتا جاساقتاۋ قاجەت. «بۇل ماقساتتاعى العاشقى قادام سەناتتى جويۋمەن ايقىندالادى. ءماجىلىستى كۇشەيتۋ كەرەك. بۇعان قول جەتكىزۋ ءۇشىن كانديدات ءماجىلىس دەپۋتاتتارىنىڭ سانىن كوبەيتۋدى ۇسىنادى. سونىمەن بىرگە دەپۋتاتتاردىڭ 50%-ى عانا پارتيا تىزىمدەرى بويىنشا سايلانۋعا ءتيىس. حالىق قالاۋلىلارىنىڭ تەڭ جارتىسى ءبىر مانداتتىق وكرۋگتەردەن, ءوزىن-ءوزى سايلاۋشىلاردان قۇرالۋى قاجەت. بۇل پارلامەنتاريدىڭ ەلەكتورات الدىنداعى جاۋاپكەرشىلىگىن ارتتىرادى», دەدى ول.
كەزەك كۇتتىرمەيتىن تاعى ءبىر وزەكتى ماسەلە – ەكونوميكاعا تۇساۋ بولىپ وتىرعان جەمقورلىق. بۇل جاعىمسىز قۇبىلىستى جويۋ ءۇشىن كانديدات پاراقورلارعا قاتىستى جازانى بارىنشا كۇشەيتۋدى ۇسىنىپ وتىر.
