ءىس-شارا بارىسىندا كانديدات جينالعان قاۋىمعا ءوزىنىڭ سايلاۋالدى باعدارلاماسىنىڭ باسىم باعىتتارى جونىندە بايانداپ بەردى. ءوز سوزىندە نۇرلان اۋەسباەۆ باتىس وڭىرلەردە ينفراقۇرىلىم ماسەلەلەرىنىڭ ءالى دە ءتۇيىنى تارقاماي وتىرعانىن اتاپ ءوتتى.
كانديداتتىڭ پىكىرىنشە, مەملەكەتتى باسقارۋ ۇلگىسىن پرەزيدەنتتىك بيلىكتەن پارلامەنتتىك-پرەزيدەنتتىك بيلىككە اۋىستىرۋ ارقىلى عانا بۇل تىعىرىقتان شىعۋعا بولادى. بۇدان بولەك نۇرلان اۋەسباەۆ ءوزىنىڭ سايلاۋالدى باعدارلاماسىندا مۇناي-گاز سەكتورىنىڭ ءىرى كاسىپورىندارىن ۇلتتاندىرۋدى ۇسىنادى. «تەك وسىنداي ناقتى قادامدار ارقىلى عانا ەلىمىزدەگى جۇمىسشىلاردىڭ ەڭبەك شارتتارىن جاقسارتۋعا بولادى», دەيدى ول.
سونىمەن بىرگە نۇرلان اۋەسباەۆتىڭ سايلاۋالدى باعدارلاماسىندا قازاقستاندىقتاردىڭ ءومىر ساپاسىنىڭ ستاندارتىن ەنگىزۋ ۇسىنىلادى.
