تسيفرلىق كولىك ءدالىزىنىڭ تيىمدىلىگى

تاراپتار ازيا-ەۋروپا تسيفرلىق ساۋدا ءدالىزىن قۇرۋ ماسەلەلەرىن تالقىلادى. بۇل باستامانى ىسكە اسىرۋ مەم­لەكەت باسشىسى ەلدىڭ تران­زيتتىك الەۋەتىن ارتتىرۋ جانە جاھاندىق لوگيستيكالىق ەكو­جۇيەدەگى سەنىمدى كولىك حابى رەتىندەگى قازاقستاننىڭ ءيميد­جىن نىعايتۋ بويىنشا قويعان ماڭىزدى مىندەتىن شەشۋگە مۇم­كىندىك بەرەدى.

كەزدەسۋدە PSA International Pte Ltd – Crimson Logic ەنشىلەس كومپانياسى قتج ماماندارىمەن بىرلەسىپ ازىرلەگەن بىر­ىڭعاي تسيفرلىق پلاتفور­­ما تانىستىرىلدى. جاڭا جۇيە­دە Calista-AE جەتكىزۋ تىزبەگىن باسقارۋ بويىنشا سينگا­پۋر­لىق ونلاين-پلاتفورما­نىڭ قتج اقپا­راتتىق جۇيە­لەرىمەن ينتەگراتسيالانۋ مۇمكىندىكتەرى پايدالانىلدى.

تسيفرلىق شەشىمدى ترانس­كاسپي حالىقارالىق كولىك باعدارىندا قولدانۋ جوسپارلانىپ وتىر. پلاتفورما كليەنتتەر ءۇشىن ساپالى جا­نە ىڭعايلى سەرۆيس جاساپ, حالىقارالىق تاسىمالداۋشىلار ءۇشىن مارشرۋتتىڭ تارتىمدىلىعىن ارتتىرادى. تسيفرلىق فورمات مەملەكەتتىك ورگاندارمەن جانە ەكسپەديتورلارمەن اشىق ءوزارا ءىس-قيمىلدى قام­تاماسىز ەتەدى. ترانزيتتىك جۇكتەردى رەسىمدەۋ كەزىندە قاعاز قۇجات اينالىمىن بولدىرماۋدان باسقا, جۇكتەردى جەتكىزۋ مەرزىمى قىسقارادى.

PSA International Pte Ltd – 26 ەلدە تەرمينالدارى بار الەمدەگى ەڭ ءىرى پورت وپەرا­تورلارىنىڭ ءبىرى.