فوتو: egemen.kz/ قىرمىزى جۇماعاليقىزى
ىشكى ىستەر مينيسترلىگىنىڭ قىزمەتكەرلەرى مىڭنان استام مەديتسينالىق مەكەمە مەن 300 كاسىپورىندى تەكسەردى. ناتيجەسىندە 209 اكىمشىلىك قۇقىق بۇزۋشىلىق انىقتالىپ, 73 كاسىپورىن باسشىسى جاۋاپكەرشىلىككە تارتىلدى. 136 مەديتسينا قىزمەتكەرىنە قاتىستى ماتەريالدار جينالدى.
سونداي-اق اسەرى كۇشتى دارىلەردى زاڭسىز ساتۋ بويىنشا 16 جاعداي انىقتادى. ال ءدارىحانا قىزمەتكەرلەرىنە قاتىستى 13 قىلمىستىق ءىس تىركەلدى.
«الماتىدا رەتسەپتىسىز ءدارى ساتقان ءتورت ءدارىحانانىڭ فارماتسەۆتتەرىنە قاتىستى قىلمىستىق ىستەر قوزعالدى. اقتوبەدە ءىرى فارماتسەۆتيكالىق مەكەمەگە قاتىستى ءىس قوزعالىپ, 400 مىڭ ءدارى تاركىلەندى. تۇركىستان وبلىسىندا 100 توننا كۇكىرت قىشقىلى ارنايى كۇزەتسىز تاسىمالدانعان. اباي وبلىسىندا 680 توننا پرەكۋرسوردى تاسىمالداۋ ەرەجەسى بۇزىلعان», دەلىنگەن ءىىم حابارلاماسىندا.
