شەمونايحا اۋدانى بب كەزەكشى بولىمىنە «ۋبە-اۆتو» بپ كەزەكشىسىنەن حابارلاما كەلىپ ءتۇستى. كەزەكشى وبلىس ورتالىعىنىڭ 35 جاستاعى تۇرعىنىنان شەكارالىق باقىلاۋدان ءوتۋ كەزىندە Nissan اۆتوكولىگىنىڭ قالتاسىنان 2 پاترون تابىلعانىن حابارلادى. ولار ساراپتاما قورىتىندىسىنا سايكەس وق اتۋعا جارامدى 5,6 مم كاليبرلى شولاق مىلتىققا ارنالعان پاتروندار بولىپ شىقتى.
ءتارتىپ ساقشىلارى ەر ادامدى پوليتسيا بولىمىنە جەتكىزگەن. جاۋاپ الۋ كەزىندە ول وق-دارىلەردى شىلدە ايىنىڭ سوڭىندا كاتونقاراعاي اۋىلىنىڭ تاۋلارىنان تاۋىپ العانىن ايتقان.
ۇستالعان ادامعا قاتىستى كەلۋ تۋرالى مىندەتتەمە تۇرىندەگى ءىس جۇرگىزۋ ماجبۇرلەۋ شاراسى سايلاندى. وسى فاكتى بويىنشا قر قك 286-بابى 1-بولىگى بويىنشا سوتقا دەيىنگى تەرگەۋ باستالدى.
