«جىل باسىنان بەرى ورىندالعان قۇرىلىس جۇمىستارىنىڭ كولەمى 5%-عا ارتتى. ەلىمىزدىڭ 17 وڭىرىندە ءوسىم تىركەلدى. قۇرىلىس-مونتاجداۋ جۇمىستارىنىڭ قارقىندى ءوسۋى شىمكەنت قالاسىندا, سونداي-اق اقمولا, قىزىلوردا جانە الماتى وبلىستارىندا بايقالادى», دەدى الىبەك قۋانتىروۆ ۇكىمەت وتىرىسىندا.
ونىڭ ايتۋىنشا, وسى جىلدىڭ قاڭتار-قازان ايلارىندا 11,7 ملن م2 تۇرعىن ءۇي پايدالانۋعا بەرىلدى, بۇل 2021 جىلدىڭ سايكەس كەزەڭىنەن 1,1%-عا ارتىق.
«وڭ ءوسىم 15 وڭىردە تىركەلدى. ەڭ جوعارى كورسەتكىشتەر تۇركىستان, اقمولا جانە الماتى وبلىستارىندا, سونداي-اق شىمكەنت قالاسىندا بايقالادى. تومەندەۋ ۇلىتاۋ جانە اباي, ماڭعىستاۋ جانە اتىراۋ وبلىستارىندا, سونداي-اق استانا قالاسىندا بايقالدى», دەپ تولىقتىردى مينيستر.
