«قاڭتار-قازان ايلارىندا قازاقستان ەكونوميكاسىنىڭ ءوسۋ قارقىنى 2,5%-دى قۇرادى. ونىڭ ىشىندە ناقتى سەكتورداعى ءوسىم - 2,8%-دى, ال قىزمەت كورسەتۋ سالاسىندا - 1,6%-دى قۇرادى», دەدى الىبەك قۋانتىروۆ.
ونىڭ ايتۋىنشا, بيىل ەلىمىزدە اۋىل شارۋاشىلىعى, اقپارات جانە بايلانىس, قۇرىلىس, وڭدەۋ ونەركاسىبى, ساۋدا, كولىك جانە قويمالاۋ سالالارىنىڭ كورسەتكىشتەرى ءوستى.
«نەگىزگى كاپيتالعا سالىنعان ينۆەستيتسيالاردىڭ ءوسۋ قارقىنى 6,7%-دى قۇرادى. ەكونوميكانىڭ نەگىزگى سالالارى بويىنشا ينۆەستيتسيالار اعىنى ونەركاسىپتە - 4,1%-عا, ونىڭ ىشىندە تاۋ-كەن ءوندىرۋ ونەركاسىبىندە - 13,7%-عا, سونداي-اق اۋىل شارۋاشىلىعىندا - 7,4%-عا, جىلجىمايتىن م ۇلىكپەن جاسالاتىن وپەراتسيالاردا - 14,7%-عا, كولىكتە جانە قويمادا - 8,5%-عا ءوستى», دەپ تولىقتىردى مينيستر.
