كانديدات انا مەن بالا ءولىمىنىڭ دەڭگەيى حالىقارالىق رەيتينگتەردە دە كورسەتىلەتىنىن ەسكەرتىپ ءوتتى. «قازاقستاندا بۇل كورسەتكىشتەر بۇرىننان ءوسىپ كەلە جاتقانىمەن, سوڭعى ۋاقىتتا اسقان جىلدامدىقپەن وسە باستادى. ءبىز ءاربىر ايەل مەن ءسابيدىڭ ءومىرى ءۇشىن كۇرەسۋىمىز كەرەك», دەدى س.تۇرسىنبەكوۆا.
كانديدات Ranking.kz دەرەكتەرىنە سىلتەمە جاساي وتىرىپ, بىرنەشە تسيفرلاردى العا تارتتى. ۇلتتىق جوسپارعا سايكەس, انا ءولىمى 2021 جىلى 100 مىڭ تۋعانعا شاققاندا 35-تەن تومەن بولىپ, 2025 جىلعا قاراي 10-عا دەيىن تومەندەۋى كەرەك. ال ءىس جۇزىندە 2021 جىلى بۇل كورسەتكىش 44,7-ءنى قۇرادى. اتىراۋ وبلىسىندا انا ءولىمىنىڭ ناقتى كورسەتكىشى كۇتىلگەننەن ءۇش ەسەگە جوعارى بولعانىن اتاپ وتكەن ءجون.
«سوڭعى ۋاقىتتا بالالار ءولىمى بويىنشا مالىمەتتەر دە كوڭىل كونشىتپەيدى. جىل سوڭىنا دەيىن قازاقستاندا نارەستە ءولىمى 1000 تۋعانعا شاققاندا 7,6-عا دەيىن تومەندەۋى كەرەك ەدى. الايدا كورسەتكىش كەرىسىنشە رەسپۋبليكا بويىنشا ورتا ەسەپپەن 8,44-كە دەيىن ءوستى», دەدى سالتانات تۇرسىنبەكوۆا.
