بىرنەشە جىل بۇرىن ىسكە قوسىلعان ءوندىرىس وشاعى جوعارى سۇرىپتى ۇن ءوندىرىپ, 70-كە جۋىق ادامدى تۇراقتى جۇمىسپەن قامتاماسىز ەتىپ وتىر. زاۋىت الداعى ۋاقىتتا دايىن ءونىمدى ەكسپورتتاۋعا نيەتتى. الايدا كەي كەزدە كاسىپورىنعا بيداي جەتكىزۋدە قيىندىقتار تۋىندايدى, ۆاگوندار تاپشىلىعى بايقالادى.
«قازاقستانداعى اگرارلىق سەكتوردىڭ نەگىزگى ءبىر سالاسى ەگىن شارۋاشىلىعى ەكەنى بەلگىلى. ەلىمىزدىڭ سولتۇستىك, ورتالىق وڭىرلەرىندەگى القاپتار تۇتاستاي رەسپۋبليكانى استىقپەن قامتاماسىز ەتۋگە, ءتىپتى, ءداندى داقىلداردى شەت ەلدەرگە ەكسپورتتاۋعا مۇمكىندىك بەرەدى. دەگەنمەن ەل ىشىندە تۋىنداعان وسىنداي پروبلەمالار كاسىپكەرلەردىڭ جۇمىسىنا كەرى اسەرىن تيگىزىپ وتىر. ۇكىمەت, مينيسترلىكتەر, ۇلتتىق كومپانيالار ۆاگون تاپشىلىعى ماسەلەسىن شەشۋى كەرەك. وتاندىق فەرمەرلەر مەن قايتا وڭدەۋشىلەردىڭ مۇددەلەرىن قورعاۋ جولىندا كوزدەگەن ماقساتىمىزدان تايىنباۋىمىز قاجەت. قازاقستاندا تاۋارلار قورىن قۇرۋ ستراتەگياسىندا ازىق-ت ۇلىك نارىعىن دامىتۋ جانە قاۋىپسىزدىگىن ساقتاۋ بارىنەن بۇرىن يمپورتقا تاۋەلدى ەمەس, وتاندىق ءوندىرىس ەسەبىنەن جۇزەگە اسۋى كەرەك», دەدى جيگۋلي دايراباەۆ.
