جيىنعا قاتىسقاندار سىبايلاس جەمقورلىقتىڭ ەلىمىزدىڭ الەۋمەتتىك-ەكونوميكالىق دامۋىنا كەرى اسەرىن, وسى قۇبىلىسقا قارسى ءىس-قيمىل جونىندەگى شەتەلدىك تاجىريبەنى تالقىلادى.
سىبايلاس جەمقورلىقتى قابىلداۋ يندەكسىنىڭ (CPI) حالىقارالىق رەيتينگىسىندە قازاقستان 2021 جىلدىڭ قورىتىندىسى بويىنشا الەمنىڭ 180 ەلىنىڭ اراسىندا 102-ءشى ورىندا تۇر.
مەيرام قاجىكەن پاراقورلىقتىڭ, لاۋازىمدى تۇلعالاردىڭ وكىلەتتىكتەرىن اسىرا پايدالانۋدىڭ الدىن الۋعا قاتىستى ماسەلەلەردى بۇكپەسىز جەتكىزىپ, ناقتى زاڭدار مەن ەرەجەلەر قۋاتتى بولماسا قۇقىقتىق مەملەكەت قۇرۋ مۇمكىن ەمەس ەكەنىن ايتتى.
«جەمقورلىقتى جويۋ ءۇشىن قاتاڭ زاڭدار قاجەت جانە ولار ءوز كۇشىندە ورىندالۋى كەرەك. سىبايلاس جەمقورلىق ارەكەتتەرى ءار ادامنىڭ سانا-سەزىمىنە, مادەنيەتىنە بايلانىستى. حالىققا ەسەپ بەرەتىن مىقتى ءارى اشىق ازاماتتىق قوعام قاجەت. ياعني مىقتى ازاماتتىق قوعام, تاۋەلسىز كاسىپوداقتار, كاسىپكەرلەر قاۋىمداستىعى جانە باسقا دا كوپتەگەن ۇيىمداردىڭ كۇشى بىرىگۋى كەرەك. سوندا ادامدار مەملەكەتتىڭ كەلىسىمشارتتارىن, بيۋدجەتتى, جەر ۋچاسكەلەرىن ءبولۋ سەكىلدى ارەكەتتەرىن باقىلاي الادى», دەدى م.قاجىكەن.
