جەو-دا قالپىنا كەلتىرۋ جۇمىستارى جونىندەگى شتاب تاۋلىك بويى جۇمىس ىستەپ تۇر.
«جەو-دا جوندەۋ-قالپىنا كەلتىرۋ جۇمىستارى كەستەگە سايكەس جۇرگىزىلىپ جاتىر. قازىرگى ۋاقىتتا ستانتسياعا اگرەگاتتاردىڭ جۇمىسىن رەتتەۋ ءۇشىن وسكەمەن جانە سوگرا جەو ەنەرگەتيكتەرى كەلدى», دەدى دانيال احمەتوۆ.
قالپىنا كەلتىرۋ جۇمىستارى ءۇشىن جەو–عا «تەرەزە» جانە «ۆك ينۆەست ينجينيرينگ» كاسىپورىندارىنىڭ 30 مامانى قوسىمشا كەلدى.
«جىلۋ ورتالىقتارىندا №1, №3 ورتاشا قىسىمدى قازاندىقتار جانە №6 جوعارى قىسىمدى قازاندىق جۇمىس ىستەيدى. №4 جوعارى قىسىمدى قازاندىقتى اۆتوماتتاندىرۋ بويىنشا جوندەۋ جۇمىستارى جۇرگىزىلۋدە. جاقىن ارادا وسى اگرەگاتتى قالپىنا كەلتىرۋ جۇمىستارى اياقتالادى», دەپ قوستى اكىم.
ونىڭ ايتۋىنشا, قازىرگى ۋاقىتتا ستانتسيادا 260 توننا مازۋت بار.
ەسكە سالا كەتسەك, 5 قاراشادا ساعات 20:00-دە «ريددەر-جەو» اق-دا كۇل شىعارۋ جۇيەسىندەگى سورعى ىستەن شىعىپ, №1 قازاندىق اگرەگاتىنىڭ قوسالقى جابدىعى اپاتتى تۇردە اجىراتىلدى.
11 قاراشادا «ريددەر جەو» نەگىزگى قازاندىعىنداعى اپات جويىلدى. الدىڭعى كۇنى ريددەر جىلۋ ورتالىعىنىڭ №6 جوعارى قىسىمدى قازاندىعىنىڭ جۇمىسى شتاتتان تىس جاعدايعا بايلانىستى توقتاتىلعان ەدى.
