قالا تۇرعىندارى, تۋريستىك سالا ماماندارى, قازاق ۇلتتىق تاعامدارىنا نەگىزدەلگەن مەيرامحانالاردىڭ وكىلدەرى مەن كاسىپكەر ايەلدەر قاتىسقان كەزدەسۋ بارىسىندا قوعامداعى وزەكتى ماسەلەلەر مەن وتاندىق ءتۋريزمدى دامىتۋ سۇراقتارى تالقىلاندى.
«شىمكەنت قالاسىنىڭ ىشكى جانە سىرتقى ءتۋريزمدى دامىتۋدا الەۋەتى وتە زور. جاڭا جۇمىس ورىندارىنىڭ اشىلۋى مەن ينفراقۇرىلىمنىڭ جاقسارۋى – ءتۋريزمدى دامىتۋدىڭ ءبىر عانا قىرى. وسى سالانى جەتىلدىرۋ ارقىلى ءبىز ەلىمىزدىڭ ۇلتتىق جانە تاريحي-مادەني قۇندىلىقتارىن كەڭىنەن ناسيحاتتاي الامىز. قازاق ۇلتتىق تاعامدارىن جاڭعىرتىپ, تۋريستەردى قىزىقتىرۋدىڭ ەڭ ۇتىمدى باعىتىن دامىتىپ جۇرگەن كاسىپكەرلەردىڭ دە باستامالارىنا قولداۋ كورسەتۋ كەرەك», دەدى ق.ابدەن.
سايلاۋشىلارمەن كەزدەسۋدەن كەيىن كانديدات ءوڭىردىڭ تىنىس-تىرشىلىگىمەن تانىسىپ, «كوكساراي» فۋتبول ءتۋرنيرىنىڭ جەڭىمپازدارىمەن كەزدەستى. ءوزىنىڭ قۇتتىقتاۋ سوزىندە قاراقات ابدەن بۇقارالىق سپورت پەن سالاماتتى ءومىر سالتىن ناسيحاتتاۋدىڭ ماڭىزىن ەرەكشە اتاپ ءوتتى.
بۇدان بولەك, كانديدات ايماقتاعى سايلاۋالدى شتابىنىڭ وكىلدەرىمەن جۇزدەسىپ, ۇگىت-ناسيحات جۇمىستارىنىڭ ناتيجەلەرىمەن تانىستى.
