اتالعان ءىس-شاراعا جازۋشىنىڭ باۋىرلارى شوقان مەن كوبەگەن ەرمۇحانبەتوۆتەر, اقىن, «اقتوبە» تەلەارناسىنىڭ ارداگەرى جاقسىلىق ايجانوۆ, قازاقستان جازۋشىلار وداعى اقتوبە فيليالىنىڭ توراعاسى, ء«ۇش تاعان» جۋرنالىنىڭ باس رەداكتورى ەرتاي اشىقباەۆ جانە باسقا دا زيالى قاۋىم وكىلدەرى قاتىستى.
ادەبي كەش بارىسىندا №60 جالپى ءبىلىم بەرەتىن ورتا مەكتەپتىڭ وقۋشىسى ءاليحان باتىرقانوۆ «ەركە سىلقىم» كۇيىن ورىنداسا, جانەركە نيازبەك, گۇلناز مۇرات, ءاسانالى ءاشىم پاتريوتتىق تاقىرىپتاعى ولەڭدەر وقىدى. سونىمەن قاتار جازۋشى تۋرالى دەرەكتەردەن بەينەروليك كورسەتىلدى. جازۋشىنىڭ باۋىرلارى قالامگەردىڭ ءومىر جولى تۋرالى ءسوز قوزعادى.
قاجىعالي مۇحانبەتقالي ۇلى اقتوبە وبلىستىق تەلەۆيزيا جانە راديو كوميتەتىندە رەداكتور, وبلىستىق «كوممۋنيزم جولى» گازەتىندە ادەبي قىزمەتكەر بولدى. الماتىداعى «قازاقستان» باسپاسىندا اعا رەداكتور, «جۇلدىز» جۋرنالىندا ءبولىم مەڭگەرۋشىسى, «قازاق ادەبيەتى» گازەتىندە جاۋاپتى حاتشى, «جاڭا فيلم» جۋرنالىندا باس رەداكتور قىزمەتتەرىن اتقاردى.
ادەبي كەشكە «كەمەڭگەر ەلدىڭ كوركەم جازۋشىسى» اتتى تاقىرىپتىق كىتاپ كورمەسى قويىلىپ, وعان بيبليوگرافيالىق شولۋ جاسالدى.
لاۋرا ەرىكقىزى,
جاسوسپىرىمدەر كىتاپحاناسىنىڭ كىتاپحاناشىسى
اقتوبە
