بايقاۋ ءۇش كەزەڭنەن تۇردى: «ولەڭ – ءسوزدىڭ پاتشاسى, ءسوز ساراسى» اتتى كەزەڭدە ابايدىڭ ءبىر ولەڭى جاتقا وقىلدى. ال ەكىنشى كەزەڭدە ابايدىڭ ءبىر قاراسوزى جاتقا وقىلدى. «كوڭىلىم ءاندى ۇعادى» اتتى شەشۋشى كەزەڭدە ابايدىڭ ءبىر ءانى ورىندالدى.
مىقتىنىڭ مىقتىسىن انىقتايتىن بۇل بايقاۋعا ورال قالاسىنداعى ءتۇرلى وقۋ ورىندارىندا وقيتىن ستۋدەنتتەر قاتىسىپ, تارتىستى باسەكە تۋدىرا الدى. ال سايىستىڭ قورىتىندىسىنا كەلسەك, «كوڭىلىم ءاندى ۇعادى» اتالىمى بويىنشا ورال گۋمانيتارلىق-تەحنيكالىق كوللەدجىنىڭ ستۋدەنتى اننا لاپكينا, «پوەزيا جاناشىرى» اتالىمى بويىنشا بوكەي ورداسى كوللەدجىنىڭ ستۋدەنتى ۆالەنتينا بەرەزينا, «كورەرمەن كوزايىمى» اتالىمى بويىنشا شىڭعىرلاۋ كوللەدجىنىڭ ستۋدەنتى ديانا چەرنوزۋبوۆا, «جاس دارىن» اتالىمى بويىنشا باتىس قازاقستان يندۋستريالىق كوللەدجىنىڭ ستۋدەنتى دميتري كراسنوباەۆ ماراپاتتالدى.
ءىىى ورىندى ءبورلى كوللەدجىنىڭ ستۋدەنتى ماريا وۆسيەنكو, ورالداعى «ماقسات» جوعارى مەديتسينالىق كوللەدجىنىڭ ستۋدەنتى زارا باداەۆا, قۇرمانعازى اتىنداعى ساز كوللەدجىنىڭ ستۋدەنتى رومان سوكولوۆ يەلەنسە, ءىى ورىنعا ورالداعى «سەرۆيس» تەحنولوگيالىق كوللەدجىنىڭ ستۋدەنتى نادەجدا مينۋلينا, م.وتەمىسوۆ اتىنداعى باتىس قازاقستان ۋنيۆەرسيتەتىنىڭ ستۋدەنتى ۆيكتوريا باكاۋشينا لايىقتى دەپ تانىلدى. بارىنەن وزا شاپقان م.وتەمىسوۆ اتىنداعى باتىس قازاقستان ۋنيۆەرسيتەتىنىڭ ستۋدەنتى تاتيانا شەرستيانكينا جۇلدەلى ءى ورىندى جەڭىپ الدى. جۇلدەلى ورىندارعا يە بولعان قاتىسۋشىلارعا باعالى سىيلىقتار تاپسىرىلدى.
پرەزيدەنت قاسىم-جومارت توقاەۆ «اباي جانە ءححى عاسىرداعى قازاقستان» اتتى ماقالاسىندا «ابايدى تانۋ – ادامنىڭ ءوزىن ءوزى تانۋى» دەپ دانىشپان اقىندى ءالى دە زەردەلەۋ كەرەكتىگىن العا تارتقان بولاتىن. بۇل ءىس-شارانىڭ نەگىزگى ماقساتى دا مەملەكەت باسشىسىنىڭ پىكىرىمەن ۇشتاسىپ جاتتى.
عالىمجان ەلجان,
م.وتەمىس ۇلى اتىنداعى بقۋ-ءدىڭ 4 كۋرس ستۋدەنتى
ورال
