«مۇنداي كەزدەسۋلەر قيىندىقتاردى ءتيىمدى ءارى جىلدام شەشۋگە, پروبلەمالاردى نازاردا ۇستاۋعا مۇمكىندىك بەرەدى.
ماسەلەن وسىعان دەيىن جاتتىقتىرۋشىلار مەن سپورتشىلارعا جەكە مەديتسينالىق مەكەمە ءبولۋ تۋرالى پروبلەما كوتەرىلگەن ەدى. سەبەبى ولار كاسىبي تەكسەرۋلەردى وزگە پاتسيەنتتەرمەن قاتار ءوتىپ, بىرگە ەمدەلەتىن. ال بۇل سپورتشىلاردىڭ دايىندىق ساپاسى مەن ساۋىقتىرۋ پروتسەسىنە كەرى اسەر ەتەتىن. وسى ماسەلەنى بىرلەسە تالقىلاعاننان كەيىن سپورتشىلارعا ارنالعان ارنايى مەديتسينالىق ورتالىق (ا-82 كوشەسىندەگى «نۇرلى جول» تەمىرجول ۆوكزالىنىڭ جانىندا) اشىلدى.
سول سياقتى بوكس, جەكپە-جەك ونەرى ورتالىقتارى, جەكپە-جەك زالى جانە ت.ب. اشىلىپ, «تولقىن» سپورت كەشەنى مەن «جاستار» سارايىندا جوندەۋ جۇمىسى جۇرگىزىلدى. «قازاقستان» سپورت كەشەنىندە قايتا جوندەۋ جانە جاڭعىرتۋ جۇمىسى ءجۇرىپ جاتىر.
كوكتال-2 جانە ءوندىرىس ەلدى مەكەندەرىندە دەنە شىنىقتىرۋ-ساۋىقتىرۋ كەشەندەرى اشىلدى. اتالمىش ورىنداردا سپورتتىڭ 10 ءتۇرى بويىنشا 1 مىڭعا جۋىق بالا جاتتىعىپ ءجۇر. تاعى ەكى ەلدى مەكەندە ءدال وسىنداي دەنە شىنىقتىرۋ-ساۋىقتىرۋ كەشەندەرىنىڭ قۇرىلىسى ءجۇرىپ جاتىر. بۇقارالىق سپورتتى قارجىلاندىرۋدى 3 ەسەگە ارتتىردىق», دەپ جازدى التاي كولگىنوۆ الەۋمەتتىك جەلىدەگى پاراقشاسىندا.
ونىڭ ايتۋىنشا, 2020-2021 جىلدارى جاتتىقتىرۋشى-وقىتۋشىلاردىڭ جالاقىسى 50%-عا, بيىل تاعى 25%-عا ارتقان. اكىم كادر تاپشىلىعىن شەشۋ ءۇشىن «دەنە شىنىقتىرۋ جانە سپورت» ماماندىعى بويىنشا گرانتتار بولەتىنىن جەتكىزدى.
«سول سياقتى جاستاردى قولداۋ بويىنشا بەلسەندى جۇمىس جۇرگىزىپ جاتىرمىز. جاستار جەلىسى بويىنشا بىرنەشە تۇرعىن ءۇي باعدارلاماسى بار. وتكەن جىلى جەڭىلدەتىلگەن نەسيەلەۋ بويىنشا ارنايى «Elorda Zhastary» تۇرعىن ءۇي باعدارلاماسىن ەنگىزدىك. 2 جىل ىشىندە 3,4 ملرد تەڭگەگە نەسيە بەرىلدى. وزگە باعدارلاما – جالعا الۋ بويىنشا 3 جىل ىشىندە جۇمىس ىستەيتىن جاستارعا 2,5 مىڭعا جۋىق پاتەر بەرىلدى.
ماڭىزدى ماسەلەلەردىڭ ءبىرى – جۇمىسقا ورنالاسۋ. وتكەن جىلى 6 مىڭ جاس جۇمىسقا ورنالاستى. جىل سوڭىنا دەيىن تاعى 6,5 مىڭنان استام جاستى جۇمىسقا ورنالاستىرۋدى جوسپارلاپ وتىرمىز. سونداي-اق بيزنەس-يدەيالاردى جۇزەگە اسىرۋ ءۇشىن گرانتتار بەرەمىز», دەپ جازىلعان اكىمنىڭ جازباسىندا.
