جەتىسۋ وبلىسىنىڭ اكىمى بەيبىت يساباەۆ وڭىرلىك جەدەل جاردەم ستانسىسى ورتالىعىنىڭ ديرەكتورى ساۆەلي پاكقا 40 جاڭا «جەدەل جاردەم» كولىگىنىڭ كىلتىن تاپسىردى.
وتكەن جىلى ساتىپ الىنعان 35 سانيتارلىق اۆتوماشينانى ەسەپكە الساق, ستانسىنىڭ ارنايى كولىكپەن قامتاماسىز ەتىلۋى 100%-عا, ال حالىق سانىنا شاققانداعى بريگادالارىنىڭ سانى 75-كە جەتىپ وتىر. جالپى 10 مىڭ ادامعا 1 بريگادا دەپ ەسەپتەلەدى, ال وبلىستاعى حالىق سانىنىڭ 667 مىڭ ادام ەكەنىن ەسكەرسەك, بريگادا سانى ءتيىستى مولشەردەن اسىپ وتىر.
جەدەل جاردەم كارەتالارى بارلىق قاجەتتى قۇرالدارمەن, اتاپ ايتقاندا وكپەنى جاساندى جەلدەتەتىن «Wienman» اپپاراتتارى, ديستانتسيالىق ەلەكتروكارديوگراف, «Corpuls» دەفيبريللياتورى, «Accuvac pro Wienman» ەلەكتر اسپيراتورى, ومىرتقانى قوزعالتپاي ۇستاۋعا ارنالعان ديپ-پانەل, رەانيماتسياعا ارنالعان ورىن, وتتەگى باللوندارى, پاتسيەنتتى تاسىمالداۋ كەزىندە پايدالانىلاتىن ارنايى توسەك, جۇمساق زەمبىلدەرمەن جابدىقتالعان.
