اتاپ ايتساق, مەملەكەتىمىزگە, ازاماتتارعا اسا قاۋىپ توندىرمەيتىن ارەكەت جاساعانداردىڭ جازاسى «راقىمشىلىق تۋرالى» زاڭ اياسىندا كەشىرىلەدى. مىسالى, تەرىس قىلىقتار, ونشا اۋىر ەمەس, اۋىرلىعى ورتاشا, اۋىر جانە اسا اۋىر قىلمىستار وسى راقىمشىلىق زاڭىنا جاتادى. ارينە, ءارتۇرلى باپتار بويىنشا قاراستىرىلادى.
بىراق تەررورلىق, ەكسترەميستىك ارەكەتتەر, سىبايلاس جەمقورلىق قىلمىستارى جانە دە ەلىمىزگە وپاسىزدىق جاساعان ازاماتتار, ازاپتاۋمەن اينالىسقاندارعا راقىمشىلىق جاسالمايدى. سەبەبى ولار جالپى قوعامعا, مەملەكەتىمىزگە, اسىرەسە ازاماتتارىمىزعا اسا قاۋىپ توندىرەتىن قىلمىستىق ارەكەتتەر ساناتىندا. سوندىقتان نەگىزگى راقىمشىلىق زاڭىنىڭ باستى كۇرەتامىرى مەن ءتۇيىنى – مەملەكەت تاراپىنان, قوعام تاراپىنان شالىس باسقان ازاماتتارعا جاسالعان ىزگىلىك پەن مەيىرىمدىلىك اكتىسى دەپ تۇسىنگەن ءجون.
تاعى ءبىر ەسكەرە كەتەتىن جايت. راقىمشىلىق جاسالعان ازاماتتارعا ۇكىمەت تاراپىنان, جەرگىلىكتى مەملەكەتتىك ورگاندار تاراپىنان جۇمىسقا ورنالاستىرۋ, دەنساۋلىعىنا قاتىستى كومەك كورسەتىلەدى. تۇرعىن-جايى بولماعان جاعدايدا ارنايى ورتالىقتار ولاردى باسپانامەن قامتاماسىز ەتۋ ماسەلەسىن دە قاراستىرادى.
جالپى, راقىمشىلىق زاڭىنىڭ ودان ءارى ورىندالۋى, وسى قۇجاتقا ساي بوساتىلعان ازاماتتاردى قوعامعا بەيىمدەۋ ماسەلەسى مەملەكەت نازارىنان تىس قالمايدى.
بەرىك بەكجانوۆ,
ءماجىلىس دەپۋتاتى
