رەسمي ءىس-شاراعا بارلىق ۇمىتكەرلەردىڭ شتاب باسشىلارى قاتىسىپ, رەتتىك نومىرلەرىن تاڭدادى. پىكىرسايىس بۇگىن ساعات 20:00-دە «حابار» تەلەارناسىنان تىكەلەي ەفيردە كورسەتىلەدى. وندا ۇمىتكەرلەر سايلاۋالدى باعدارلامالارىمەن تانىستىرىپ, ءبىر-بىرىنە سۇراقتار قويادى, سونداي-اق قازاقستاندىقتاردىڭ ساۋالدارىنا جاۋاپ بەرەدى. ۇمىتكەرلەرگە سۇراق قويعىسى كەلەتىندەر 10 قاراشاعا دەيىن تەلەارنانىڭ ارنايى ەلەكتروندى مەكەنجايىنا ۇزاقتىعى 1 مينۋتتان اسپايتىن بەينەجازبا جولداعانىن اتاپ وتكەن ءجون.
رەگلامەنتكە سايكەس پرەزيدەنتتىككە كانديداتتاردىڭ سايلاۋ الدىنداعى پىكىرسايىستارى مەن پىكىرتالاستارى ءتورت راۋندقا بولىنگەن. ءار راۋندقا سايكەس پىكىرسايىسقا قاتىسۋشىلار وزدەرىنىڭ سايلاۋ باعدارلاماسىمەن ءسوز سويلەۋگە, قارسىلاستارىنا سۇراقتار قويۋعا, سايلاۋشىلاردىڭ سۇراقتارىنا جاۋاپ بەرۋگە, سونداي-اق سايلاۋشىلارعا ۇندەۋ جاساۋعا مۇمكىندىك الادى. ءبىرىنشى راۋند – «سايلاۋ الدىنداعى باعدارلامامەن تانىستىرۋ», ەكىنشى راۋند – «پىكىرتالاس سەسسياسى», ءۇشىنشى راۋند – «سايلاۋشىلاردان سۇراقتار», ءتورتىنشى راۋند «سايلاۋشىلارعا ارناۋ» دەپ اتالادى. قورىتىندى راۋندتا قاتىسۋشىلار تىكەلەي سايلاۋشىلارعا ارناپ ءسوز سويلەيدى.
