ۇمىتكەر وڭىرگە ساپارى كەزىندە الدىمەن «اقتوبە رەلس-ارقالىق زاۋىتى» جشس جۇمىسشىلارىمەن جۇزدەسىپ, سايلاۋالدى باعدارلاماسىنىڭ باسىم باعىتتارىن ەگجەي-تەگجەي ءتۇسىندىردى. جيىندا ءبىلىم بەرۋ, قورعانىس جانە سىبايلاس جەمقورلىققا قارسى كۇرەس تاقىرىپتارى كەڭىنەن قوزعالدى.
ال مارات وسپانوۆ اتىنداعى باتىس قازاقستان مەديتسينا ۋنيۆەرسيتەتىنىڭ ستۋدەنتتەرى جانە پروفەسسور-وقىتۋشىلارىمەن كەزدەسۋ كەزىندە بولاشاق مامانداردى تۇرعىن ءۇي ساتىپ الۋ جانە جۇمىسقا ورنالاسۋ مۇمكىندىگى سياقتى تاقىرىپتار قىزىقتىردى.
«مەنىڭ سايلاۋالدى باعدارلامامدا جاستاردىڭ ماسەلەسىنە ەرەكشە كوڭىل بولىنگەن. ويتكەنى جاستار – ەلىمىزدىڭ بولاشاعى. جاستارعا بارلىق جولداردى اشىپ, ءوزىن-ءوزى دامىتۋعا, باسپانا الۋعا, كاسىبي مانسابىن قۇرۋعا بارلىق مۇمكىندىكتى ۇسىنۋىمىز قاجەت. ويتكەنى ادام ەڭ اۋەلى الەۋمەتتىك ماسەلەلەرىن شەشىپ المايىنشا, قوعامداعى وزگەرىستەرگە ءۇن قوسۋعا, جۇمىسىنا, جالپى ءوزىنىڭ كاسىبيلىگىن ارتتىرۋعا ق ۇلىقتى بولمايدى. بۇل جالپى, ەل ەكونوميكاسىنا اسەر ەتەدى. ياعني جاستاردىڭ الەۋمەتتىك پروبلەمالارى جالپى قوعامنىڭ الەۋمەتتىك-ەكونوميكالىق پروبلەمالارىنىڭ كورىنىسى ءارى جالعاسى بولىپ سانالادى. جاستار پروبلەماسى قاشاندا قوعامنىڭ وزەكتى ماسەلەلەرىنىڭ بىرىنە اينالعان. جاستاردى نەگىزىنەن جوعارى نەمەسە ورتا ءبىلىم الا الماۋ, ءوز وتباسىن ماتەريالدىق جاعىنان قامسىزداندىرۋ قيىندىقتارى, ماماندىعى بويىنشا جۇمىس تاپپاۋ, باسپانانىڭ جوقتىعى سەكىلدى پروبلەمالار قاتتى الاڭداتادى», دەدى م.قاجىكەن.
