«اقتوبە رەلس-ارقالىق زاۋىتى» جشس ەڭبەك ۇجىمىمەن كەزدەسۋدە كانديداتتىڭ سايلاۋ الدىنداعى باعدارلاماسىندا كورسەتىلگەن ەل ونەركاسىبىن دامىتۋعا ارنالعان شارالار تالقىلاندى.
«اقتوبە وبلىسى – ەلىمىزدەگى ماڭىزدى يندۋستريالدى ءوڭىر. ەڭبەكسۇيگىش اقتوبەلىكتەر وبلىستىڭ ءوسىپ-وركەندەۋىنىڭ نەگىزى ەكەنى ءسوزسىز. سىزدەر ءاردايىم ەلىمىزدەگى رەفورمالاردى, بەيبىتشىلىكتى جانە تۇراقتىلىقتى قولداپ كەلدىڭىزدەر. سوندىقتان الداعى پرەزيدەنت سايلاۋىندا, ەل دامۋىنداعى وسىنداي جاۋاپتى كەزەڭدە ءوڭىر تۇرعىندارى دۇرىس تاڭداۋ جاسايدى دەپ سەنەمىز», دەدى رەسپۋبليكالىق قوعامدىق شتاب دەلەگاتسياسىنىڭ باسشىسى ماۋلەن اشىمباەۆ.
ءىس-شارادا شتاب مۇشەلەرى سايلاۋ الدىنداعى باعدارلامانىڭ وڭىرلىك ينفراقۇرىلىمدى جاقسارتۋ جانە جۇمىس ورىندارىن اشۋ ماسەلەلەرىنە ارنالعان باعىتتارىنا نازار اۋداردى. سونداي-اق ورتالىق ستاديوندا «اقتوبە» فۋتبول كلۋبىنىڭ ويىنشىلارىمەن كەزدەسۋ ءوتتى. وندا كانديداتتىڭ كاسىبي سپورتتى دامىتۋدى جانە سالاماتتى ءومىر سالتىن دارىپتەۋدى كوزدەيتىن باسىمدىقتارى ءسوز بولدى. شتاب مۇشەلەرى ق.جۇبانوۆ اتىنداعى ۋنيۆەرسيتەتتە جوعارى وقۋ ورنىنىڭ عالىمدارىمەن جانە وقىتۋشى-پروفەسسورلار قۇرامىمەن دە كەزدەستى.
