«بولجام 2021 جىلى ەكونوميكانىڭ ءوسۋى بويىنشا قورىتىندى دەرەكتەردى, الەمدىك ەكونوميكانىڭ ءوسۋى بويىنشا حالىقارالىق قارجى ۇيىمدارىنىڭ كورسەتكىشتەرى مەن ەكسپورتتىق تاۋارلاردىڭ باعالارىن ەسكەرە وتىرىپ قالىپتاستىرىلدى. حالىقارالىق قارجى ۇيىمدارىنىڭ كونسەنسۋس بولجامىنا سايكەس, مۇنايدىڭ الەمدىك باعاسى 2022 جىلى باررەلىنە 104,2 اقش دوللارىن قۇرايدى دەپ كۇتىلۋدە. 2023 جىلى الەمدىك ەكونوميكانىڭ ءوسۋى 3%-دى قۇرايدى», دەدى الىبەك قۋانتىروۆ سەناتتىڭ جالپى وتىرىسىندا.
ونىڭ ايتۋىنشا, بولجام مەن بيۋدجەتتىك پارامەترلەردى قالىپتاستىرۋدىڭ نەگىزى رەتىندە بازالىق ستسەناري الىندى. ءمينيستردىڭ بولجامى بويىنشا, ءبىر باررەل مۇنايدىڭ باعاسى 85 اقش دوللارىن قۇرايدى. ال ءجىو-ءنىڭ ورتاشا جىلدىق ناقتى ءوسىمى 3,9%-عا جەتەدى.
ينفلياتسيا 2023 جىلى 7,5-9,5%, 2024 جىلى 4-5%, 2025 – 2027 جىلدارى 3-4% دەڭگەيىندە انىقتالدى.
ء«جىو-ءنىڭ ناقتى ءوسۋى 2023 جىلعى 4%-دان 2027 جىلى 4,2%-عا دەيىن جەدەلدەتىلەدى دەپ كۇتىلۋدە. نومينالدى ءجىو 120,7 ترلن تەڭگەدەن 176,6 ترلن تەڭگەگە دەيىن وسەدى. 2023 جىلى مۇناي ءوندىرۋ 92,6 ملن توننانى قۇراپ, 2027 جىلى 99,9 ملن تونناعا دەيىن ۇلعايادى. ۇلتتىق بانكتىڭ بولجامى بويىنشا ەكسپورت 80,9 ملرد اقش دوللارىنان 84,6 ملرد اقش دوللارىنا دەيىن, يمپورت 45,7 ملرد اقش دوللارىنان 53,5 ملرد اقش دوللارىنا دەيىن ۇلعايادى», دەپ تولىقتىردى مينيستر.
