ء«بىلىم-يننوۆاتسيا» ليتسەي-ينتەرناتىندا وتكەن كەزدەسۋدە كانديدات جينالعان قاۋىمدى ءوزىنىڭ ساياسي باعدارلاماسىمەن تانىستىردى. سونداي-اق ءسوز بارىسىندا پەداگوگ ماماندىعىنىڭ ماڭىزدىلىعىن جانە ولاردىڭ الدىندا تۇرعان مىندەتتەرىن اتاپ ءوتتى.
«الەمنىڭ كەز كەلگەن ەلىندەگى مۇعالىم – ارقاشان قۇرمەتتى جانە مارتەبەسى بيىك ماماندىق. ويتكەنى مۇعالىم – بالالارعا ءبىلىم بەرىپ, بولاشاققا باعىت-باعدار كورسەتەتىن ادام», دەدى م.قاجىكەن.
مۇعالىمدەر ۇمىتكەرمەن ءبىلىم بەرۋ سالاسىنداعى جالاقىنى كوتەرمەي جۇكتەمەنى ۇلعايتۋ, سىبايلاس جەمقورلىق, تۇرعىن ءۇي الۋ سياقتى وزەكتى ماسەلەلەر شەشىلمەيتىنىن تالقىلادى. مەيرام قاجىكەن ءوز باعدارلاماسىنىڭ الەۋمەتتىك بولىمىندە جاس ماماندارعا, تۇرعىن ءۇي ساتىپ الۋعا قاراجاتى جەتكىلىكسىز وتباسىلارعا جانە حالىقتىڭ باسقا دا توپتارىن باسپانامەن قامتۋ جوسپارى جازىلعانىن ايتتى.
«مەنىڭ ۇستانىمىم مىناداي: جەرگىلىكتى ورگاندار كوپپاتەرلى ءۇي سالۋ ءۇشىن مەردىگەر كومپانياعا جەر ۋچاسكەسىن بەرەدى. ءوز كەزەگىندە مەردىگەر تۇرعىن ءۇيدىڭ 15 پايىزىنا دەيىنگى ۇلەسىن مەملەكەتكە بەرۋى كەرەك. ياعني اكىمدىكتەر تۇرعىن ۇيدەن پاتەرلەر الادى. ونى كەزەكتە تۇرعاندارعا ۇلەستىرەدى. ال جۇمىسقا ورنالاسۋ كەزىندەگى سىبايلاس جەمقورلىققا كەلەتىن بولساق, مەن بۇل وزەكتى ماسەلەمەن زاڭدى تۇردە قاتال جانە قاتاڭ كۇرەسۋ كەرەك دەپ سانايمىن», دەدى م.قاجىكەن.
