كەزدەسۋ بارىسىندا سەرىك جۇمانعارين قازاقستان رەسەي فەدەراتسياسىمەن ايماقارالىق ىنتىماقتاستىقتى كەڭەيتۋدى ماقسات ەتىپ وتىرعانىن ايتتى. 2022 جىلدىڭ ءى جارتىجىلدىعىندا قازاقستان مەن كراسنويار ولكەسى اراسىنداعى سىرتقى ساۋدا اينالىمى وتكەن جىلدىڭ سايكەس كەزەڭىمەن سالىستىرعاندا 77,7%-عا ارتىپ, 75 217,7 مىڭ دوللاردى قۇرادى. قازىردىڭ وزىندە وبلىستىڭ 200-گە جۋىق كاسىپورنى قازاقستانمەن ساۋدا بايلانىسىن ورناتقان. 2022 جىلدىڭ تامىزىندا اقمولا وبلىسىنىڭ وكىلدەرى مەن كراسنويار ولكەسى گۋبەرناتورىنىڭ اكىمشىلىگى اراسىندا ساۋدا-ەكونوميكالىق, عىلىمي جانە گۋمانيتارلىق سالالارداعى ىنتىماقتاستىق تۋرالى كەلىسىمگە قول جەتكىزىلدى.
سونىمەن قاتار كەزدەسۋگە قاتىسۋشىلار قازاقستان مەن رەسەي ءتۇرلى باعىت بويىنشا ءوزارا بايلانىستاردى نىعايتۋ ءۇشىن زور مۇمكىندىكتەرگە يە ەكەنىن اتاپ ءوتتى.
ءوز كەزەگىندە كراسنويار ولكەسىنىڭ گۋبەرناتورى الەكساندر ۋسس رەسەي ەكسپورتىنىڭ جاڭا نارىقتارى مەن بالاما لوگيستيكالىق باعىتتارىن ىزدەۋگە قىزىعۋشىلىق ءبىلدىردى. ءوڭىر باسشىسى كراسنويار ولكەسىنىڭ باسەكەلەستىك ارتىقشىلىقتارى تۋرالى ايتىپ, قازاقستاندىق كاسىپكەرلەردى اليۋميني وڭدەۋ, ورمان ونەركاسىبى كەشەنى جانە ورمان شارۋاشىلىعى سالاسىندا ىنتىماقتاسۋعا شاقىردى. سونداي-اق وڭىردە ماشينا جاساۋ جانە مەتالل وڭدەۋ, اۋىل شارۋاشىلىعى, تاماق ونەركاسىبى, اعاش وڭدەۋ, حيميا سالالارىندا ماڭىزدى جوبالار بار.
كەزدەسۋ سوڭىندا قاتىسۋشىلار تاراپتار اراسىنداعى تىكەلەي بايلانىستاردى جەدەل جولعا قويۋ ءۇشىن كاسىپورىندار تىزبەسىمەن الماسۋعا كەلىستى.
