كەزدەسۋ بارىسىندا كانديدات جينالعانداردى ەڭ اۋەلى ءوزىنىڭ سايلاۋالدى باعدارلاماسىن تانىستىردى. كەيىن كەزدەسۋگە قاتىسۋشىلار وزدەرىن قىزىقتىرعان سۇراقتارىن قويدى. ولار نەگىزىنەن الەۋمەتتىك سالاداعى ماسەلەلەردى شەشۋ جوسپارلارىنا قىزىعۋشىلىق تانىتتى.
م.قاجىكەن مەديتسينا قىزمەتكەرلەرىنە لايىقتى ەڭبەكاقى تولەۋ ماسەلەسىن كوتەرىپ, دەنساۋلىق ساقتاۋدىڭ بارلىق سالاسىن رەسپۋبليكالىق بيۋدجەتتەن قارجىلاندىرۋدىڭ ماڭىزدىلىعىن اتاپ ءوتتى.
«ماردىمسىز جالاقى – مەديتسينا سالاسىنداعى كادرلاردىڭ جەتىسپەۋشىلىگىنە الىپ كەلەتىن وزەكتى ماسەلە. مەديتسينا قىزمەتكەرلەرىنىڭ تاپشىلىعىن جويۋ, دارىگەرلەردىڭ الەۋمەتتىك جانە قۇقىقتىق قورعالۋى جانە ولاردىڭ جالاقىسىن ارتتىرۋ ءۇشىن ىلكىمدى شارالار قاجەت. بۇل – مەنىڭ باستى مىندەتتەرىمنىڭ ءبىرى. بىزدە قارجىلاندىرۋ ءىجو-ءنىڭ 1,4 پايىزىن قۇرايدى. دۇنيەجۇزىلىك دەنساۋلىق ساقتاۋ ۇيىمىنىڭ كورسەتكىشتەرىمەن سالىستىرعاندا ۇلكەن ايىرماشىلىق بايقالادى», دەدى م.قاجىكەن.
بولاشاق مامانداردى باسپانا ساتىپ الۋ جانە جۇمىسقا ورنالاسۋ مۇمكىندىگى سياقتى تاقىرىپتار دا قىزىقتىردى. «جاستارعا بارلىق مۇمكىندىكتى جاساۋىمىز قاجەت. ويتكەنى ادام الەۋمەتتىك ماسەلەلەرگە قانشالىقتى از كوڭىل بولسە, سوعۇرلىم ول جۇمىسقا جانە ءوزىنىڭ كاسىبيلىگىن ارتتىرۋعا كوپ كوڭىل بولەدى. بۇل – جالپى ەل ەكونوميكاسىنا اسەر ەتەدى», دەدى ول.
