ايماعامبەتوۆ مەكتەپتەگى قاۋىپسىزدىكتى قامتاماسىز ەتۋ بويىنشا جۇمىستارمەن تانىسىپ, وقۋ كابينەتتەرىن ارالادى, كىتاپحانادا وقۋشىلارمەن جانە كىتاپحاناشىمەن اڭگىمەلەسىپ, ارىپتەستەرىمەن جۇمىس ماسەلەلەرىن تالقىلادى.
«استاناداعى ءبىلىم باسقارماسىنىڭ مەكتەپتەردە وقۋشىلار سارايىنىڭ فيليالدارى مەن باسقا دا قوسىمشا ءبىلىم بەرۋ ۇيىمدارىن اشۋ بويىنشا وڭ تاجىريبەسىن اتاپ وتكىم كەلەدى. مىسالى, بۇل مەكتەپتە اۆيامودەلدەۋ, بوكس, ۆولەيبول سياقتى ۇيىرمەلەر جۇمىس ىستەيدى», دەدى مينيستر.
سونداي-اق «جايلى مەكتەپ» ۇلتتىق جوباسىن ىسكە اسىرۋ اياسىندا جاڭا مەكتەپتەر سالۋ جوسپارلانىپ وتىرعانىن اتاپ ءوتتى.
«جايلى مەكتەپ» ۇلتتىق جوباسىن ىسكە اسىرۋ اياسىندا جاڭا مەكتەپتەر سالۋ جوسپارلانىپ وتىرعان بىرنەشە ورىنعا باردىق. بۇل كەرەي جانە جانىبەك حاندار كوشەسىندەگى (ارقايسىسى 2 000 وقۋشى ورنى), تولە بي كوشەسىندەگى (2 000 وقۋشى ورنى) جانە بايتۇرسىنوۆ 7 كوشەسىندەگى (600 وقۋشى ورنى) مەكتەپتەر», دەپ جازدى باسقارما باسشىسى.
ءمينيستردىڭ ايتۋىنشا, قازىر قالادا 26 مىڭ وقۋشىعا مەكتەپتەن ورىن تاپشى. بۇل ماسەلەنى شەشۋ ءۇشىن 2024-2025 جىلدارعا ارنالعان ۇلتتىق جوبا شەڭبەرىندە ەكى اۋىسىمدا 85 مىڭنان استام وقۋشى ورنىن قامتاماسىز ەتەتىن 24 مەكتەپتىڭ قۇرىلىسىن اياقتاۋ جوسپارلانعان. باسىم كوپشىلىگى 2024 جىلى سالىنىپ بىتەدى.
«ۇلتتىق جوبانى ىسكە اسىرۋعا جەتەكشىلىك ەتەتىن استانا اكىمدىگىنىڭ وكىلدەرى جەر ۋچاسكەلەرىن ءبولۋ, جسق دايىنداۋ, ينجەنەرلىك ينفراقۇرىلىم ماسەلەلەرىن شەشىپ جاتقانىن اتاپ كەتكىم كەلەدى. بولاشاقتا ەلوردادا ءبىلىم بەرۋ وبەكتىلەرىن سالۋ ءۇشىن 102 جەر ۋچاسكەسىن ءبولۋ جونىندەگى شەشىم دە ۋاقىتىلى قابىلداندى. پرەزيدەنتتىڭ جاڭا ۇلتتىق جوبانى ىسكە اسىرۋ جونىندەگى تاپسىرماسى اياسىندا الداعى ۋاقىتتا ءۇشاۋىسىمدى وقىتۋ ماسەلەسى عانا ەمەس, وقۋشى ورىندارىنىڭ تاپشىلىعى دا تولىق شەشىلەدى», دەپ جازدى مينيستر.
