ءىس-شارا بارىسىندا كانديدات قالا اكتيۆىمەن كەزدەسىپ, ءوزىنىڭ سايلاۋالدى باعدارلاماسىنىڭ نەگىزگى قاۋلىلارى جونىندە بايانداپ بەردى. اتاپ ايتقاندا, مەملەكەتتە ساياسي رەفورمالاردى جۇرگىزۋ, قازاقستان الدىندا تۇرعان باستى ماسەلە – پارلامەنتتىك-پرەزيدەنتتىك رەسپۋبليكا قۇرۋ قاجەتتىلىگىنە توقتالدى.
كانديداتتىڭ پىكىرىنشە, قوعام ءبىر ادامنىڭ قولىنا شوعىرلاناتىن پرەزيدەنتتىك باسقارۋ ۇلگىسىنەن باس تارتۋى قاجەت. ۇكىمەت ادال, باسەكەلەس بيزنەستىڭ دامۋىنا مۇمكىندىك بەرمەيتىن وليگارحتاردى ەمەس, حالىقتىڭ مۇددەسىن قورعاۋعا ءتيىس. جەمقورلىقپەن كۇرەستى كۇشەيتۋ كەرەك, پاراقورلارعا قاتىستى ماكسيمالدى جازا ورناتىپ, مەرزىمىنەن بۇرىن بوساتۋ قۇقىعىنان ايىرۋ قاجەت.
ول باسقا دا كوپتەگەن مەملەكەت سياقتى ەلىمىزدە سىبايلاس جەمقورلىقتىڭ الدىن الۋ جانە ونى بولدىرماۋ ماقساتىندا قارقىندى جۇمىس جۇرگىزىلىپ جاتقانىنا توقتالدى. قازىرگى ۋاقىتتا, سىبايلاس جەمقورلىققا قارسى كۇرەس جونىندەگى نەگىزگى پرينتسيپتەر ايقىندالىپ, سىبايلاس جەمقورلىققا قارسى كۇرەس تۋرالى زاڭ كiنالiلەردi جاۋاپقا تارتۋ ارقىلى ازاماتتاردىڭ قۇقىقتارى مەن بوستاندىقتارىن قورعاۋعا باعىتتالعان.
نۇرلان اۋەسباەۆ جەمقورلىقتى جەڭىپ, مەملەكەتتىڭ باسقارۋ جۇيەسىن اۋىستىرۋ ارقىلى ەلدىڭ ەكونوميكالىق گۇلدەۋىنە قول جەتكىزۋگە بولاتىنىن ايتتى.
