كانديدات 16 كۇندىك ۇگىت-ناسيحات جۇمىستارى كەزەڭىندە 6 وڭىردە – قاراعاندى, اقمولا, تۇركىستان وبلىستارىندا, استانا شىمكەنت جانە الماتى قالالارىندا حالىقتىڭ ءتۇرلى توپتارىمەن كەزدەسۋ وتكىزدى. كەزدەسۋ بارىسىندا تۇرعىندار كوبىنە الەۋمەتتىك ماسەلەلەردى كوتەرىپ, ينفراقۇرىلىم, ۇلتتىق قۇندىلىق بويىنشا ۇسىنىس-تىلەكتەرىن ورتاعا سالدى. كانديدات ءار ۇسىنىستى نازارعا الاتىنىن جەتكىزدى.
ء«بىز وسى ۋاقىتقا دەيىن سايلاۋالدى ۇگىت-ناسيحات جۇمىستارىنا كانديداتتار اراسىندا ەڭ از قارجى جۇمساي وتىرىپ, ورتالىق سايلاۋ كوميسسياسىنىڭ اقپاراتىنا سايكەس ەڭ ناتيجەلى جۇمىس اتقارىپپىز. ءبىزدى قولداعان بارلىق ازاماتقا العىسىم شەكسىز. ءدال وسى قارقىنمەن ءارى قاراي جۇمىسىمىزدى جالعاستىرا بەرەمىز. ءبىزدى قولداپ, داۋىس بەرەتىن سايلاۋشىلاردىڭ ءۇمىتىن اقتايمىز دەپ سەنەمىن», دەدى س.تۇرسىنبەكوۆا.
ەستەرىڭىزگە سالساق, 21 قازاندا كانديداتتىڭ شتابىندا ۇيىمداستىرۋ كوميتەتىنىڭ وتىرىسى ءوتتى. قاتىسۋشىلار دايىندىق جۇمىستارىن جانە الداعى جوسپارلاردى تالقىلادى. 22 قازاندا رەسپۋبليكالىق شتابتىڭ رەسمي اشىلۋى ءوتتى. 26 قازاندا كانديدات سايلاۋالدى ۇگىت-ناسيحات جۇمىستارى اياسىندا ايماقتاردى ارالاۋدى باستادى. ول ءبىرىنشى بولىپ قاراعاندى وبلىسىنا باردى.
