قاسىم-جومارت توقاەۆ تاريحي ورىندا جەرگىلىكتى اقساقالدارمەن اڭگىمەلەسىپ, ەلدىك ماسەلەلەردى تالقىلادى.
«قاسيەتتى جەرگە زيارات ەتۋ ءۇشىن ارنايى كەلدىم. مۇندا 2019 جىلى پرەزيدەنت لاۋازىمىنا كىرىسكەن كەزدە كەلگەن ەدىم. بۇگىن جۇرتشىلىقپەن كەزدەسىپ, ماڭىزدى ماسەلەلەردى تالقىلادىق. ماڭعىستاۋ وبلىسىنىڭ دامۋىنا تىڭ سەرپىن بەرۋ كەرەك ەكەنىن ايتتىم. ۇكىمەتكە ءتيىستى تاپسىرمالار بەردىم. امانشىلىق بولسا, كەلەشەكتە وبلىستا ءبارى جاقسى بولادى دەپ ويلايمىن. وسى باعىتتا جۇزەگە اسىرىلىپ جاتقان جۇمىستاردىڭ ءبارى مەنىڭ باقىلاۋىمدا بولادى», دەدى مەملەكەت باسشىسى.
